"இன்று ஒரு அறிவியல்"

"இன்று ஒரு அறிவியல்"

⚛அறிவியல் காதலன் ⚛            oct - 2018
ரா.பிரபு


அறிவியல் காதலர்களுக்கு வணக்கம் !
நான் பல இடங்களில் தினமும் காலை  "இன்று ஒரு அறிவியல் "என்ற பெயரில் பகிர்ந்து வந்த சிறிய துணுக்கு வகையிலான அறிவியல் தகவல்களை தான் இந்த பதிவில் ஒன்றாக தொகுத்து கொடுத்து இருக்கிறேன்.
படித்து பயனடையுங்கள்.
நன்றி.

☢☢☢☢☢☢☢☢☢☢☢☢☢☢☢☢☢☢☢☢

"இன்று ஒரு அறிவியல் "

☢☢☢☢☢☢☢☢☢☢☢☢☢☢☢☢☢☢☢☢

1. பாம்பு கடிக்கு மருந்து எவ்வாறு தயாரிக்க படுகிறது தெரியுமா ??
பாம்பு விஷத்தில் இருந்து தான்.
ஆச்சர்யமாக இருக்கிறதா?

சிறிதளவு பாம்பு விஷத்தை மாடு குதிரை போன்ற விலங்கின் உடலில் குறிப்பிட்ட அளவு செலுத்துவார்கள். அதன் உடல் அதை எதிர்க்கும் எதிர்பொருளை சுரக்கும் (antibodies )
அதை எடுத்து சுத்திகரித்து செய்ய படுவதே பாம்பு கடிக்கு மருந்தாகும்.

☢☢☢☢☢☢☢☢☢☢☢☢☢☢☢☢☢☢☢☢

2.Betelgeuse Star பற்றி தெரியுமா ?

பூமியில் இருந்து 640 ஒளி ஆண்டு தாண்டி இருக்கும் ஒரு நட்சத்திரம் தான் betelgeus
இது இறக்கும் தருவாயில் உள்ள ஒரு சூப்பர் ரெட் ஜியன்ட் ஸ்டார்.
இது இரவு வானில் நாம் காணும் 10 ஆவது ஒளி மிகுந்த நட்சத்திரம் ஆகும்.
இதன் ரெடியஸ் நமது சூரியனை விட ஆயிரம் மடங்கு பெரிது அதாவது நமது சூரியனுக்கு பதில் இதை அங்கு வைத்தால் அதன் மேற்பரப்பு கிட்ட தட்ட வியாழன் கோள் வரை பரவி இருக்கும்.
நமது சூரியனை விட 1 லட்சம் மடங்கு அதிக ஒளியையும் மேலும் 20...30 மடங்கு அதிக நிறையை கொண்டது இது.

எல்லாவற்றை விட சுவாரஷயம் என்ன வென்றால் வயசாயிடிச்சி எப்ப வேணா போய் சேர்ந்தும் என்ற நிலையில் இருப்பதால் இன்னும் லட்சம் ஆண்டுக்குள் அது இன்று இரவோ அல்லது ஒரு மாதம் கழித்தோ அல்லது சில நூறு ஆண்டுகள் கழிதோ எப்போ வேணா சூப்பர் நோவாவாக மாறி வெடிக்கலாம் என எதிர் பார்க்க படுகிறது.
அப்படி வெடித்தால் நமது இரவை கிட்ட தட்ட 2 மாதம் பகல் போல வெளிச்சம் ஆக மாற்றிவிடும் என்கிறார்கள்

☢☢☢☢☢☢☢☢☢☢☢☢☢☢☢☢☢☢☢☢

3.Square wave கேள்வி பட்டு இருக்கிறீர்களா...
வழக்கத்திற்கு மாறான வடிவமைபோடு கடலில் செஸ் போர்டு போட பட்டதை
போல அமைப்பில் இது வரை நீங்கள் பார்த்திராத வகையில் காணப்படும் அலை வடிவம் இது.
பார்க்க அழகாக இருந்தாலும் மிகவும் ஆபத்து நிறைந்த ஒரு அழகு இது .

France இல் உள்ள rhe வின் isle பகுதியில் உள்ளது இந்த கலங்கரை விலக்கம் ஆண்டு தோறும் இந்த சதுர அலை அழகை கண்டுகளிக்க மக்கள் கூட்டம் இங்கு வந்து போகிறது..

இப்படி நடக்க காரணம் இரு வேறு கடல்கள் இங்கே ஒன்று சேர்ந்து இருவேறு இயற்கை  சூழல்கள் ஒன்றிணைவது தான்.

இந்த அலைகளில் நீந்துவது உய(யி)ர் ஆபத்தான செயல் என்று அறிவித்து இருக்கிறார்கள்.

☢☢☢☢☢☢☢☢☢☢☢☢☢☢☢☢☢☢☢☢

4.astronomical unit என்றால் என்ன தெரியுமா ?

வெளியில் நட்சத்திரங்கள் அல்லது காலக்சிகளுக்கு இடையிலான தொலைவை அளக்க ஒளி யாண்டு பயன் படுகிறது என்பது நமக்கு தெரியும்.
ஆனா அவ்ளோ தூரம் எல்லாம் வேணாம் ஏதோ சும்மா ரெண்டு கிரகங்களுக்கு நடுவே நம்ம சூரிய குடும்பத்தில் அளப்பதாய் இருந்தால் என்ன செய்ய ?? அதற்க்கு பயன்படுவது தான் astronomical unit.

பூமிக்கும் சூரியனுக்கும் உள்ள சராசரி தொலைவை தான் ஒரு அஸ்ட்ரானமிகல் யூனிட் என்று எடுத்து கொண்டோம்.
ஒரு அஸ்ட்ராநாமிகல் யூனிட் என்பது
149,597,870  ஆகும் .

☢☢☢☢☢☢☢☢☢☢☢☢☢☢☢☢☢☢☢☢

5. Magnus effect :

உயரமான இடத்தில் இருந்து ஒரு பந்தை கீழே நழுவ விட்டால் அது கீழே நேர் கோட்டில் வந்து விழும். அதே பந்தை கொஞ்சம் சுழற்சி ஏற்படுத்தி சுழற்றிய படி கீழே வீசினால் குறிப்பிட்ட தொலைவில் அது சுழலும் திசை நோக்கி பறவை போல எம்பி பறந்து செல்வதை பார்க்கலாம் இதற்க்கு பெயர் magnus விளைவு.
சில சிறு கப்பல்களில் காற்றின் போக்கை சாதகமாக பயன்படுத்த சுழலும் உருளை அமைக்க பட்டு magnus விளைவு பயன்படுகிறது.


சுழலும் பந்தில் ஒரு பக்கம் காற்று அழுத்தம் குறைவாகவும் அடுத்த பக்கம் அதிகமாகவும் இருப்பதால் பந்து பறக்கும் விளைவு ஏற்படுகிறது...

☢☢☢☢☢☢☢☢☢☢☢☢☢☢☢☢☢☢☢☢

7. கிரகங்கள் ரிவர்ஸில் ஓடுமா ?

retrograde motion in planet
என்றால் என்ன தெரியுமா ?
ஒவொரு கிரகமும் தனது ஆர்பிட் இல் தனி வழியில் சூரியனை சுற்றி வருவது நமக்கு தெரியும்.
ஒலிம்பிக் ஓட்ட வீரர்கள் தங்களது வட்ட பாதையில் ஓடுவதை போல அவைகள் ஓடுகின்றன.
அப்படி ஓடும் போது இரு வீரர்கள் அருகருகே ஆனால் வேறு வேறு பாதையில் ஓடுவதை போல கிரகங்கள் சில நேரம் நெருங்கி ஓடுகின்றன.
அந்த நேரத்தில் இரண்டு வேகமாக செல்லும் ரயில் ஒரே வேகத்தில் சென்றால் எப்படி பார்க்க ரயில் நிற்பது போல மாய தோற்றம் தெரியுமோ அப்படி கிரகங்கள் அந்த நேரத்தில் கண்காணித்தால் நிற்பது போலவும் ரிவர்சில் ஓடி பிறகு பார்வடில் ஓடுவது போலவும் காட்சி பிழை ஏற்படுத்தும் .

பண்டைய காலத்தில் பூமியை சூரியன் சுற்றுகிறது என்று நம்பிய காலத்தில் இந்த நிகழ்வு தான் புரியாத குழப்பமாக இருந்தது .
சூரியனை தான் மற்ற கிரகங்கள் சுற்றுகின்றன என்பதற்கு இந்த retrograde motion of planets ஒரு முக்கியமான ஆதாரம்.

☢☢☢☢☢☢☢☢☢☢☢☢☢☢☢☢☢☢☢☢

8.  jiffy கேள்வி பட்டு இருக்கிறீர்களா.

மிக மிக சிறிய அளவு நேரத்தை குறிப்பிடும் தேவை இருக்கும் இடத்தில் பயன் படுத்த படும் அலகு.
இது மிக சிறிய அளவு நேரத்தை குறிக்கும் ஓர் அலகு.
இது பயன்படுத்த படும் துறையை பொறுத்து இதன் அளவு வெவ்வேறாக மாறும். குறிப்பிட்ட துறையில் ஒரு சென்டிமீட்டரை வெற்றிடத்தில் ஒளி கடக்க எடுத்து கொள்ளும் நேரம்.

astrophysics மற்றும் quantum physics, ல் jiffy என்பது ஒளி ஒரு அனுவின் உட்காருவை கடக்க எடுத்து கொள்ளும் நேரம்.
(ஒரு வினாடியில் எதத்தனையில் ஒரு பங்கு இருக்கும் என்பதை உங்கள் கற்பனைக்கே விட்டு விடுகிறேன் )
அனைவருக்கும் அறிவியல் காலை வணக்கம்.

☢☢☢☢☢☢☢☢☢☢☢☢☢☢☢☢☢☢☢☢

9. "நிஜமான கால பயணி இவரே"

ஒளி வேகத்தில் கால பயணம் நிகழும் என்று ஐன்ஸ்டைன் சொல்லி இருப்பது நமக்கு தெரியும்.
ஒளிக்கு நெருக்கமான வேகத்தில் எவ்வளவு நெருங்குகிறோம் என்பதை பொறுத்து அந்த பயணம் நாம் அளக்க முடிய கூடிய விதமாக இருக்கும்.

நமது வேகத்துக்கு ஏற்ப நாம் அனைவருமே நேரத்தில் பயணம் செய்பவர்கள் தான் . ஆனால் அவைகள் அளக்க முடியாத அளவு மிக மிக மிக குறைவான அளவு.
ஆனால் நாம் அளக்கும் படி அப்படி நிஜமாக டைம் டிராவல் செய்த ஒரே மனிதன் sergei krikaleve எனும் ருஷ்ய விண்வெளி வீரர் தான் காரணம் அவர் கிட்ட  தட்ட 29 ஆயிரம் கிலோமீட்டர் எனும் அசுர வேகத்தில் 803 நாட்கள் விண்வெளியில் சுற்றியவர்.

(இதன் படி சார்பியல் கணக்கு படி அவர் பயணித்த கால பயண தொலைவு எவ்வளவு தெரியுமா வெறும் 21 மில்லி செகண்ட் எதிர்காலத்தில் பயணம் செய்து இருக்கிறார் அவர்.)

☢☢☢☢☢☢☢☢☢☢☢☢☢☢☢☢☢☢☢☢

10. "வலது இடது பழக்கம் "

மனிதர்களில் நாம் வலது கை பழக்கம் உடையவர்கள் அல்லது இடது கை பழக்கம் உடையவர்கள் என இரு வகை இருப்பது தெரியும்.
 ஆனால் கண்களிலும் நாம் இடது கண் பழக்கம் உடையவர்கள் வலது கண் பழக்கம் உடையவர்கள் என இரு பிரிவு இருக்கின்றோம் என்பது பலருக்கும் தெரியாது.
உலகில் 90 சதம் மக்கள் வலது கை பழக்கம் கொண்டவர்கள் 67 சதம் மக்கள் வலது கண் பழக்கம் கொண்டவர்கள்.
கைகளின் பழக்க முறை வைத்து கண்களை தீர்மானிக்க முடியாது.

சரி நீங்கள் எந்த கண் பழக்கம் உடையவர்கள் ?
அதை கண்டு பிடிக்க ஒரு எளிய சோதனை.
படத்தில் காட்ட பட்டதை போல கைகளால் ஒரு முக்கோணம் செய்யுங்கள். அதை முன்னோக்கி நீட்டி வீட்டில் ஏதாவது ஒரு பொருள் (உதாரணமா கடிகாரம் ) இரண்டு கண்களும் திறந்த படி முக்கோணத்திற்கு மையத்தில் அமைந்திடுமாறு வையுங்கள்.
இப்பொது ஒரு கண்ணை மூடி அடுத்த கண்ணை திறந்து பாருங்கள் பிறகு இன்னோரு கண்ணை மூடி இந்த கண்ணை திறந்து பாருங்கள்.
ஒரு கண் மூடும் போது மட்டும் தான் முக்கோணம் மையத்தில் இருக்கும் அது தான் உங்கள் பழக்கத்தில் உள்ள கண்.
அடுத்த கண்ணில் கோணம் மாறி பொருள் எங்கயோ ஒரு ஓரமாய் இருக்கும்

☢☢☢☢☢☢☢☢☢☢☢☢☢☢☢☢☢☢☢☢

11.  உலகின் மிக சக்திவாய்ந்த மெமரி கார்டு எது தெரியுமா??

வெறும் ஒரு கிராம் அளவு இந்த மெமரி கார்டில் 215 பீடா பைட் தகவல்களை அடக்கலாம்...

215 பீடா பைட் இருக்கட்டும் முதலில் ஒரே ஒரு பீடா பைட் மெமரினா எவ்வளவு னு பார்ப்போம்...
Full hd movie களை வரிசையாக எடுத்து கொண்டு 24 மணிநேரமும் தொடர்ந்து ஒளி பரப்பினால் 3.5 ஆண்டுகள் வரை ஓடும் மெமரி தான் ஒரு peta bite .
இன்னோரு வகையில் சொல்கிறேன்.
ஒரு நாளைக்கு நீங்கள் 4000 டிஜிட்டல் போட்டோவை எடுப்பதாக கொண்டால் உங்கள் வாழ்நாள் முழுதும் எடுக்கும் போட்டோவின் மெமரி தான் ஒரு பீடா பைட்...

அப்படி பட்டதில் 215 பீடா பைட் மெமரியை கற்பனை செய்யமுடிகிறது அல்லவா...
அவ்வளவு மெமரியை ஒரே ஒரு கிராமில் அடக்கும் அந்த சக்தி வாய்ந்த மெமரி கார்ட் வேற ஒன்னும் இல்ல நம்ம உடல்ல இருக்கிற

"D. N. A "

☢☢☢☢☢☢☢☢☢☢☢☢☢☢☢☢☢☢☢☢☢

12.
கத்தி சண்டை...
நீச்சல்...
வாகனம் ஓட்டுதல்...
போன்ற பல விஷயங்கள் மனிதனுக்கு அதீத பயிற்சி பின் மட்டுமே வருபவை என்று நமக்கு தெரியும்.
ஆனால்
நாம் அன்றாடம் சாதாரணமாக செய்யும் நடத்தல்... ஓடுதல்... பேசுதல் ... ஒரு பொருளை கையால் தூக்குதல் போன்ற மிக சாமான்ய செயல்கள் கூட  பயிற்ச்சி இல்லை என்றால்  சாத்தியம் இல்லை என்று நம்மில் பலருக்கு தெரியாது.
மேற்கண்டவற்றில் பயிற்சியின் தேவையை நாம் உணராததற்கு காரணம் அதை எல்லாம் நாம் நமது சிறு வயதிலேயே பயிற்சி செய்து விட்டது தான்.

சரி ....
சாமான்ய செயல்களுக்கு கூட பயிற்சி வேண்டும் என்பதை ஒரு எளிய சோதனை மூலம் சோதித்து பார்க்கலாமா ?..

நீங்கள் இப்போ உட்கார்ந்து இருந்தாலும் நின்று இருந்தாலும் உங்கள் கைகளை கட்டி கொள்ளுங்கள்.
கட்டியாச்சா.
இப்போ கவனியுங்கள் குறிப்பிட்ட கை மேலே குறிப்பிட்ட கை கீழே என்று உள்ளது அல்லவா...
இப்பொது அப்படியே கைகளை மாற்றி வைத்து கைகளை கட்டிக்கொள்ள முயலுங்கள்.
உங்கள் கைகளும் மூளையும் தினருவதை பார்க்கலாம்.
ஒரு சாதாரண கை கட்டுதல் என்ற செயலுக்கு உள்ள பயிற்சியின் முக்கியதுவம் புரிகிறதா ???

அனைவருக்கும் அறிவியல் காலை வணக்கம்.

☢☢☢☢☢☢☢☢☢☢☢☢☢☢☢☢☢☢☢☢

13.

ஐஸ் கட்டி பார்த்து இருப்பீர்கள் .
தூய வெள்ளை நிறத்தில் இருக்கிறது அல்லவா.
நீரை எப்போதாவது உறைய வைக்கும் முன் கொதிக்க வைத்து பின் உறைய வைத்து பார்த்தால் பனிக்கட்டி சுத்த கண்ணாடி போல தெளிவாக நிறமற்று இருபதை பார்க்கலாம்.

வழக்கமான நீரில் வெண்மையாக தெரிய காரணம் அதில் கலந்து உள்ள ஆக்சிஜன் மற்றும் மேலும் சில கலவைகள் தான்.

☢☢☢☢☢☢☢☢☢☢☢☢☢☢☢☢☢☢☢☢☢

14.

நம்மை யாராவது அடித்தால் வலிக்கும் . அதே போல் நம்மை நாமே அடித்து கொண்டால் கூட வலிக்க தான் செய்யும்.
இதே போல நமக்கு யாரவது கிச்சு கிச்சு மூட்டினால் நமது உடல் பயங்கரமாக எதிர்வினை ஆற்றும்...
ஆனால் அதே நமக்கு நாமே கிச்சு கிச்சு மூட்டினால் மட்டும் இது ஏன் நடப்பது இல்லை ?

இதற்க்கு காரணம் கிச்சு கிச்சின் போது நமது உடல் ஆபதிற்கான எதிர்வினை ஆற்றுவது தான்.
தனது உடலை யாரோ என்னவோ செய்கிறார்கள் என்று அது தற்காப்புக்கு தயார் ஆகிறது.
இதனால் தான் நமக்கு நாமே செய்தால் அந்த எதிர்வினை நடப்பது இல்லை.

அனைவருக்கும் அறிவியல் காலை வணக்கம்.

☢☢☢☢☢☢☢☢☢☢☢☢☢☢☢☢☢☢☢☢☢

15.

பெட்ரோல் எரிபொருள் ஆற்றலில் இயங்கும் நமது வாகனங்கள்
"தெர்மோடைனமிக்ஸ் " விதி படி ஆற்றலை பயன்படுத்தி ஓடுகின்றன.

ஒரு வேளை நாம் பெட்ரோலில் இருந்து ஐன்ஸ்டைனின் E =MC 2 விதி படி ஆற்றலை பெற முடிவதாக இருந்தால் ஒரு லிட்டர் பெட்ரோலை ஒருமுறை நிறப்பினால் போதும் நமது வாழ்நாள் முழுதும் அந்த வாகனத்தை ஓட்டி கொண்டிருக்க முடியும்.

☢☢☢☢☢☢☢☢☢☢☢☢☢☢☢☢☢☢☢☢☢

16.

"Gravity tunnel " எனும் கற்பனை கோட்பாடு என்ன சொல்கிறது தெரியுமா ?

ஒரு கற்பனைக்கு பூமியின் இந்த பக்கத்தில் இருந்து அந்த பக்கத்திற்கு ஒரு ஓட்டை போட்டால். அதில் ஒருவர் குதிதால் பூமியின் மையத்தை அடைய மிக சரியாக 42 நிமிடங்கள் 12 நொடிகள் ஆகும்.
பூமியின் எந்த ஓரத்தில் இருந்து எப்படி குறுக்காக இதை செய்து பார்த்தாலும் 42 நிமிடங்கள் தான் ஆகும்.
அது ஏன் சரியாக அப்படி நடக்க வேண்டும் என்று விளக்கமாக அறிய இந்த லிங்க் இல் சென்று பார்க்கவும்.

How long would it take to fall through the center of the Earth? http://www.physicscentral.com/explore/poster-earth.cfm


☢☢☢☢☢☢☢☢☢☢☢☢☢☢☢☢☢☢☢☢☢

17

ஒரு இரும்பு குண்டு ஒரு இறகு இவற்றில் எதை பூமி வேகமாக இழுக்கும் ?
பலர் பதில் இரும்பு குண்டாக இருக்கலாம்.
ஆனால் எந்த ஒரு பொருளையும் பூமி 9.8 மீட்டர் /வினாடி என்ற வேகத்தில் மட்டும் தான் இழுக்கிறது .
இதை பற்றி முதலில் ஆறைந்தவர் கலிலியோ.
இதை நிலாவில் சென்ற போது இறகையும் சுத்தியையும் வைத்து உறுதி செய்தார்கள் (அந்த வீடியோவை காண லிங்க் https://youtu.be/KDp1tiUsZw8 )

பிறகு பூமியில் வெற்றிட சேம்பர் ஒன்று உண்டு பண்ணி இறகு இரும்பு குண்டு வைத்து சோதித்து உறுதி செய்தார்கள் (அந்த வீடியோ காண லிங்க் : https://youtu.be/E43-CfukEgs)

இதை ஒரு எளிய சோதனை மூலம் செய்து பார்க்கலாமா?
ஒரு புத்தகத்தையும் இறகையும் ஒன்றாக நழுவ விடுங்கள்
 நிச்சயம் புத்தகம் தான் முதலில் வந்து சேரும் அதற்க்கு காரணம் இறகு காற்று தடையால் மி்தப்பதால்...
சரி இப்போ அந்த இறகை புத்தகத்தின் மேல் வைத்து விட்டு ஒன்றாக நழுவ விடுங்கள் .
இப்பொது இரண்டும் ஒரே வேகத்தில் பூமியை வந்து அடைவதை பார்க்கலாம்.
காரணம் இப்போது காற்று தடையை நாம் நீக்கி விட்டது தான்.

☢☢☢☢☢☢☢☢☢☢☢☢☢☢☢☢☢☢☢☢☢

18.

எவரெஸ்ட் ஊட்டி மாதிரி மலை பிரதேசங்களுக்கு சென்றால் குளிராக இருக்கின்றதே ஏன் ??
மேலே செல்ல செல்ல வெப்பம் அதிகமாக தானே இருக்க வெண்டும் ?
இது பலர் அடி கடி என்னிடம் கேட்கும் கேள்வி...

அதற்க்கு முக்கிய இரண்டு காரணங்கள் உண்டு
காரணம் 1 : அழுத்தம் அதிகமாக இருக்கும் இடத்தில் இருந்து குறைவாக இருக்கும் இடத்திற்கு காற்று நகரும் போது அது வெப்பத்தை இழக்கிறது. இந்த தத்துவத்தில் தான் நமது வீட்டு fridge வேலை செய்கிறது.
பூமிக்கு நெருக்கமாக உள்ள காற்றில் முழு அழுத்தம் இருக்கும் காற்று மூலக்கூறுகள் மிக நெருக்கமாக இருக்கும் வெப்பத்தை அதிகம் பங்கிட்டு கொள்ளும்..
மேலே செல்ல செல்ல இடைவெளி அதிகரிக்கும் வெப்பம் குறையும்.

காரணம் 2 : காற்றில் கலந்துள்ள ஈரப்பதம் அதாவது நீராவி மேலே செல்ல செல்ல குறைவாக இருக்கும்.
(நீராவி 70 சதம் வரை green house வாயுக்களை கொண்டிருக்க முடியும் சூரியனில் இருந்து வெப்பத்தை இழுத்து தன்னை சுற்றி பரப்பும் )
எனவே மேலே செல்ல செல்ல நீராவி குறைவு என்பதால் வெப்பம் குறைவாக இருக்கிறது...

இது போதாது என பூமியின் கடின மேல் பரப்பு விரைவாக சூடாகி வெப்ப கதிர் வீச்சை பங்கிடுவதாலும் பூமி பரப்பு சூடாகவும் மேலே செல்ல செல்ல குளிராகவும் இருக்கிறது.

☢☢☢☢☢☢☢☢☢☢☢☢☢☢☢☢☢☢☢☢☢

19.

மீனவர்கள் ஏன் எப்போதும் மாலை மற்றும் இரவு நேரங்களில் மட்டுமே மீன் பிடிக்க செல்கிறார்கள் தெரியுமா ?

பகலில் பூமியின் நில பரப்பு கடலை விட விரைவாக சூடாகிறது எனவே இதற்க்கு மேல் உள்ள காற்று விரைவாக வெப்பம் அடைந்து மேல் நோக்கி செல்கிறது அந்த இடத்தை நிரப்ப கடல் காற்று உள்ளே வருகிறது எனவே பகல் முழுதும் காற்று கடலில் இருந்து பூமி நோக்கி வருகிறது (பகலில் கடற்கறையில் இந்த காற்றை தான் நாம் உணறுகிறோம்)

இரவில் நிலம் குளிர தொடங்க கடல் இப்பொது உள்வாங்கிய வெப்பதை வெளியிடுகிறது காற்று மேலே செல்கிறது அங்கே நிலத்தின் காற்று கடல் நோக்கி வீசுகிறது இது மீனவர்கள் படகை செலுத்த ஏதுவாகிறது.
அடுத்த நாள் காலை மீண்டும் கரை திரும்பும் போதும் காற்று மீனவனுக்கு சாதகமாகவே இருக்கிறது.

மீனவர்கள் இரவில் மீன் பிடிக்க செல்ல காரணம் இது தான்.

☢☢☢☢☢☢☢☢☢☢☢☢☢☢☢☢☢☢☢☢☢

20.

"Olbers paradox "தெரியுமா ?

இரவில் ஏன் வானம் இருட்டாக இருகிறதை ??

பதில்தான் எல்லாத்துக்கும் தெரியுமே இரவில் சூரியன் இருப்பது இல்லை.
சரி தான்.
ஆனால் இரவில் உள்ள லட்ச கணக்கான கோடி கணக்கான நட்சத்திரங்கள் என்ன ஆச்சு.. ?
நமது பால் வெளியில் மட்டுமே 200 பில்லியன் நட்சத்திரங்கள் தேறுமே ?
அவைகளின் ஒளி இருட்டை ஜகஜோதியாக மாற்றி இருக்க வேணாமா ??

இதை விளக்குவது தான்...olbers paradox

இதன் படி இரவு வானம் இருட்டா இருக்க காரணம் பிரபஞ்சம் எல்லை கொண்டதாக (finite ) இருபதும் ஆயுள் காலத்தை கொண்டிருப்பதும் தான்.
இதன் படி லிமிட்டாக இருக்கும் நட்சத்திரங்கள் ஒளி நம்மை அடைவதற்குள்ள பிரபஞ்சம் விரிவடைந்து செல்கிறது.

இதுவே infinity பிரபஞ்சம் முடிவில்லா ஆயுட்காலம் கொண்டிருக்கும் என்றால் நிச்சயம் அணைத்து நட்சத்திர ஒளியும் இரவை பகல் போல வெளிச்சம் ஆக்கி இருக்கும்.(இன்றைய ஹாக்கின்ஸ் வரை ஏற்றுக்கொண்டுள்ள கோட்பாடு படி பிரபஞ்சம் எல்லை உடையது )

இதை பற்றிய மேலும் தகவலுக்கு லிங்க்

Olbers' Paradox http://math.ucr.edu/home/baez/physics/Relativity/GR/olbers.html

அனைவருக்கும் அறிவியல் காலை வணக்கம்...

☢☢☢☢☢☢☢☢☢☢☢☢☢☢☢☢☢☢☢☢☢

21.

ஆக்சிஜனின் நிறம் என்ன தெரியுமா ??

வாயுவாக இருக்கும் போது ஆக்சிஜனும் நிறம் மற்றும் மணம் இருப்பது இல்லை.
இதன் நிறத்தை காண நீங்கள் இதை உறைய வைத்து திரவ அல்லது இன்னும் உறைய வைத்து திட நிலைக்கு ஆளாக்க வேண்டும்.

 அப்படி செய்தால் ஆக்சிஜன் என்பது வெளுத்த நீல நிரமுடையது என்பதை காணலாம்...

☢☢☢☢☢☢☢☢☢☢☢☢☢☢☢☢☢☢☢☢☢

22.

சின்ன விஷயம் தான் ஆனால் இதில் அறிவியல் இருப்பதால் சொல்கிறேன்.

..விண்வெளியில் உங்களால்
ஏப்பம் விட முடியாது ....

காரணம் ஏப்பம் என்பது சாப்பிட்ட உணவில் உள்ள திட மற்றும் திரவ பொருளை ஈர்ப்பு விசை கீழ்நோக்கி இழுத்து விட.. வாயு மட்டும் பிரிந்து மேலே தப்பித்து செல்வது.

விண்வெளியில் ஈர்ப்பு இல்லாத காரணத்தால் வாயுக்கள் திட திரவ பொருளில் இருந்து பிரிவது இல்லை
இதனால் நீங்கள் முயன்றாலும் விண்வெளியில் ஏப்பம் விட முடியாது

(உண்மையில் விண்வெளியில் சாப்பாடு எல்லாம் அனுமதி இல்லை அங்க எல்லாம் மாத்திரை மட்டும் தான்  என்பது வேறு விஷயம் )


☢☢☢☢☢☢☢☢☢☢☢☢☢☢☢☢☢☢☢☢☢

23.

மரமும் மழையும் :

மரங்கள் வளர்த்தால் மழை வரும் இது நாம் அனைவரும் அறிந்த உண்மை தான்.
ஆனால் மரங்கள் எந்த வகையில் மழை வர காரணமாக உள்ளன என்பது பற்றி பலருக்கும் தெரியாது.

மரங்கள் பூமியில் உள்ள நீரை உறிஞ்சி இலையில் உள்ள சிறு ஓட்டை வழியாக (அந்த ஓட்டையின் பெயர் stomata )  காற்றில் நீராவியாக கலக்கின்றன .
இந்த செயலுக்கு transpiration என்று பெயர்.

ஒரு கிளாஸ் நீரில் எப்படி குறிப்பிட்ட அளவுக்கு மேல் உப்பை கலக்க முடியாதோ அதே போல காற்றில் ஓர் அளவுக்கு மேல் நீரை கலக்க முடியாது.
இந்த நிலைக்கு பெயர் தெவிட்டு நிலை.

காற்றில் நீராவி மூலம் கலக்கும் நீர் முதலில் humidity ஆக இருக்கிறது பிறகு moisture ஆகிறது .

Humidity.. moisture இரண்டுக்கும் என்ன வித்தியாசம் ??
காற்றில் நீராவி கலந்து இருப்பது humidity .
நீராவி தெவிட்டு நிலை ஏற்பட்டு நீராக காற்றில் நிரம்பி வழிவது moisture ...(அடடா நாளைய அறிவியல் காலை யில் இதை தனி பதிவாகவே போட்டு இருக்கலாமே ..)

காற்றில் அளவுக்கு மேல் சேரும் நீரும் கடல் ஆறுகளில் இருந்து சூரிய வெப்பத்தின் மூலம் ஆவியாகி காற்றில் கலந்து இருக்கும் நீரும் தெவிட்டு நிலைக்கு பின் கலந்து இருக்க இடம் இல்லாமல் மழையாக பொழி கிறது.
மேலும் மரங்கள் தங்கள் சுற்று சூழலை குளுமையாக வைத்திருப்பதாலும் மேகங்கள் குளிர்ந்து மழையாக பொழிய ஏதுவாகிறது

☢☢☢☢☢☢☢☢☢☢☢☢☢☢☢☢☢☢☢☢☢

24

☸phytoplankton photosynthesis ☸

பூமிக்கு ஆக்சிஜன் எங்கே இருந்து கிடைக்கிறது என்று கேட்டால் நம்மில் பலரும் சொல்லும் பதில் மரத்தில் இருந்து .
அது உண்மை தான் என்றாலும் மொத்த பூமியில் கிட்ட தட்ட 50 சதம் ஆக்சிஜனை நமக்கு கடலில் இருந்து கிடைக்கிறது என்பது பலர் அறியாத உண்மை.

கடலில் மேல் பரப்பில் மிதந்து கொண்டிருக்கும்...நுண்ணுயிர்கள் தான் phytoplankton  .
இவைகள் சாதாரண தாவரங்களை போலவே சூரிய ஒளியில் உணவு தயாரித்து ஆக்சிஜனை வெளி இட கூடியது.

மேலும் தகவலுக்கு phytoplankton photosynthesis என்று தேடி பாருங்கள்
மேலும் தகவலுக்கு லிங்க்
What are Phytoplankton? : Feature Articles https://earthobservatory.nasa.gov/Features/Phytoplankton/?src (Share from CM Browser)



☢☢☢☢☢☢☢☢☢☢☢☢☢☢☢☢☢☢☢☢☢

25.

☸Einstein's fridge ☸

ஐன்ஸ்டைன் கண்டு பிடித்து சொன்ன பல கோட்பாடுகள் உலகை அசைத்தவை . பிரபஞ்சத்தின் ரகசியங்களை கட்டவிழ்கும் பல கோட்பாடுகளை சொன்னவர் அவர்.
ஆனால் அவர் மற்ற விஞ்ஞானிகளை போல பொருட்கள் எதையும் கண்டுபிடித்தவர் அல்ல என்று நமக்கு தெரியும் ஆனால் அது முற்றிலும் உண்மை அல்ல.

ஐன்ஸ்டைன் கண்டு பிடித்த ஒரே பொருள் "einstein's fridge" .
தனது மாணவர் ஒருவர் உடன் இனைந்து இதை கண்டு பிடித்து தனது பெயரில் பேடன்ட் கூட வாங்கி உள்ளார்.

நமது சாதாரண fridge இல் compresser மூலம் வாயுவை அழுத்தத்திற்கு உள்ளாக்கி பிறகு expantion valvue மூலம் அழுத்தம் குறைத்து குளிரை பெறுகிறோம்.
ஆனால் ஐன்ஸ்டைன் fridge இல் moving part எதுவுமே இல்லை..
தொடர்ச்சியாக வெப்பதை கொடுக்க ஒரு வெப்ப மூலம் அங்கே இருக்கும்..
அந்த வெப்பத்தை பயன்படுத்தி குளிரை எடுக்க ஐன்ஸ்டைன் பிரிட்ஜ் ஆல் முடிந்தது...
மேலும் தகவலுக்கு einstian fridge என்பதை தேடி பாருங்கள்.


☢☢☢☢☢☢☢☢☢☢☢☢☢☢☢☢☢☢☢☢☢

26.

ஒரு அணுவின் உட்கருவில் மிக இறுக்கமாக நியூட்ரான் மற்றும் புரோட்டான்கள் இருப்பது நமக்கு தெரியும்.
இவைகளை எலெக்ட்ரான்கள் சுற்றிவருவது நமக்கு தெரியும்.
ஆனால் இதெல்லாம் ஒரு அறையில் வைக்க பட்டுள்ள ஒரு சின்ன பந்துக்கு சமம்.
மொத்த அணுவோ ஒரு அறை அளவு பெரிது.. அதாவது ஒரு அணுவில் 99.999 சதம் வெறும் empty space வெற்று வெளி தான்.

ஒரு அணு எந்தளவு வெற்று வெளியை கொண்டுள்ளது என்றால்....
உலகில் உள்ள மொத்த அணுவில் உள்ள வெளி யை மட்டும் நீக்கி விட்டால்
இந்த உலக உருண்டையை ஒரு தீ பெட்டிக்குள் அடக்கி விட முடியும்.


☢☢☢☢☢☢☢☢☢☢☢☢☢☢☢☢☢☢☢☢☢

27.

☸Metalic hydrogen ☸

"மெட்டாலிக் ஹைட்ரஜன் "
அநேகமாக இது நீங்கள் அதிகம் கேள்வி பட்டிராத வார்த்தையாக தான் இருக்கும்.
மெட்டல் வடிவில் ஹைட்ரஜனா அது எங்கே எப்படி உருவாகும் ?? இப்போ எங்கே இருக்கு ?

இப்போ அது ஜூபிடரில் இருக்கிறது.
ஹைட்ரஜன் ஐ பிடித்து வைத்து மைனஸ் 240 டிகிரிக்கு குளிர்வித்தால் அது திரவ நிலையை அடையும் அப்படியே விடாம மைனஸ் 259 டிகிரிக்கு குளிர்வித்தால் திடமாக மெட்டலாக மாறும். இது ஒரு விசித்திர உலோகம் உலோகம் போல இருக்கும் ஆனால் உலோகம் போல மின்சாரமெல்லாம் கடத்தாது அதாவது உலோகத்தின் எந்த பண்பையும் காட்டாத உலோகம்.

இது ஜூபிடரின் பரப்பில் பரவி கிடக்கிறது. அங்கே ஜூபிடரில் வெப்பம் இதை ஆவி ஆக்க பார்க்க அதே சமயம் அழுத்தம் திரவம் ஆக்க பாக்க ஒரு குழப்பமான திரவ வாயு நிலையை அடைந்து இருக்கிறது.

இதை பூமியில் செய்ய முடியுமா..?
கிட்ட தட்ட 50 ஆண்டுகள் அரும்பாடு பட்டு உலகின் முதல் ஹைட்ரஜன் மெட்டல் உண்டாக்கினார்கள்.
அதன் அளவு வெறும் 1.5 micrometres தடிமன் மற்றும் 10 micrometres  diameter  அதாவது ஒரு முடியில் 5 இல் ஒரு பகுதி அளவு.

இதை பாதுகாக்க மைனஸ் 193 டிகிரி c யில் பத்திரமாக வைரங்களை வைத்து அழுத்தம் கொடுத்து வைக்க வேண்டும்.
என்ன ஆச்சு னா...
அப்படி கண்டு பிடிக்க பட்ட அறிய உலோகம்..... திடீர்னு காணாமல் போய் விட்டது எங்கே போனது என்று யாருக்கும் தெரியவில்லை.

மேலும் தகவலுக்கு லிங்க் :

The World's Only Metallic Hydrogen Sample Has Disappeared https://www.sciencealert.com/the-world-s-only-metallic-hydrogen-sample-has-disappeared

☸☸☸☸☸☸☸☸☸☸☸☸☸☸☸☸

28.

☸ Einstien's elevator ☸

சைன்டிஸ்ட் களுக்கு பொழுது போகலைனா அப்பபோ ஐன்ஸ்டைன் கோட்பாடுகளில் எதையாவது எடுத்து வைத்து கொண்டு சோதித்தது பார்ப்பார்கள்.
அப்படி ஐன்ஸ்டைன் ஜெனரல் ரிலேடிவிட்டி யில் உள்ள ஒரு ஐடியா தான் ஐன்ஸ்டைன் எலவேடர்...

அதாவது ஒரு 100 வது மாடில எலவேடர்குள்ள நீங்க இருக்கீங்க..
 அந்த லிப்ட்  ரோப் அறுந்து போய் அப்படியே கீழ விழுந்துட்டு இருக்கு அதுக்குள் இருக்கிற நீங்களும் தான்...
கீழ வந்து பூமியை தொடர வரைக்கும் நீங்க க்ராவிட்டியை உணர மாட்டீங்க...
உங்களை பொறுத்த வரை 0 க்ராவிட்டி பீல்ட் ல இருப்பிங்க....
இந்த சூழல் ல ஸ்பேஸ்  ல கொண்டு போய் அந்த எலவேடரை வைத்தால் அதுக்கு உள்ளே இருக்கும் நீங்கள் முன்பு உணர்ந்ததை போல அதே 0 க்ராவிட்டியை உணர்வீர்கள்..

அதாவது லிப்ட் ஓபன் பண்ணி பாகர வரைக்கும் நீங்க ஸ்பேஸ் ல மிதக்கறீங்களா இல்ல free fall ஆ... அறுந்த லிப்ட் ல விழுந்துட்டு இருக்கீங்களா னு தெரியாது.
மேலும் உங்கள் அருகில் இருக்கும் நண்பருக்கும் நீங்கள் கையில் வைத்திருக்கும் காபி கோப்பைக்கும் இதே விதி பொருந்தும்..

இதை ஆய்வு மூலமாக உறுதி செய்ய ஒரு குழு முயன்றது...
மொத்த பூமியை ஒரு தொங்கும் லிப்ட் என கற்பனை செய்தது...
சூரியனை சுற்றி ஓடும் ஓடு தளம் தான் இங்கே "ரோப் அறுந்த பயணம் " இப்பொழுது நடக்கும் பாதிப்பை அளக்க மிக மிக துல்லியமான பல அணு கடிகாரத்தை ஒரே நேரத்தில் இயக்கி வைத்தது. இவற்றில் நான்கு hydrogen masers மற்றும் எட்டு caesium fountain clocks.
ஐன்ஸ்டைன் சரி என்றால் இவை அனைதிலும் பாதிப்பு ஒன்றாகவே இருக்க வேண்டும்.

ஆய்வாளர்கள் இவற்றை 14 ஆண்டுகால இடைவெளியில் சோதித்த போது 0.00000022 plus அல்லது minus 0.00000025. அளவே வித்யாசம் காட்டியது.
ஐன்ஸ்டைன் (வழக்கம் போல ) மீண்டும் ஒரு முறை வெற்றி பெற்றார்.

மேலும் தகவலுக்கு லிங்க். :
Physicists Just Tested One of Einstein's Strangest Ideas, And Guess What https://www.sciencealert.com/sophisticated-time-keeping-atomic-clocks-tested-einsteins-strangest-theory


☢☢☢☢☢☢☢☢☢☢☢☢☢☢☢☢☢☢☢☢☢

29.

நாம் ஒவொருவரும் space இல் அசுர வேகத்தில் பறந்து கொண்டிருக்கின்றோம். எவ்வளவு வேகத்தில் நகர்ந்து கொண்டு இருக்கிறோம் என்று பார்ப்போம்.

☯ பூமி ஒரு வினாடிக்கு கிட்ட தட்ட 29 கிலோமீட்டர் வேகத்தில் சூரியனை சுற்றி ஓடுகிறது.

☯ சூரியன் கிட்ட தட்ட வினாடிக்கு 250 கிலோ மீட்டர் வேகத்தில் பால் வெளி மண்டலத்தில் ஓடுகிறது.

☯ நம்ம பால் வெளி மண்டலம் கிட்ட தட்ட 600 கிலோ மீட்டர் வேகத்தில் வெளியில் பறந்து ஓடு கிறது....

அதாவது இந்த பதிவை படிக்க ஆரம்பிக்கும் போது விண்வெளியில் நீங்கள் இருந்த இடத்தில் இருந்து பதிவை படித்து முடிக்கும் போது கிட்ட தட்ட 3000 கிலோ மீட்டர் தாண்டி வந்து விடீர்கள்.


☯☯☯☯☯☯☯☯☯☯☯☯☯☯☯☯☯☯☯☯☯☯☯

30.

International space station இல் வேலை செய்யும் விண்வெளி வீரர்கள் பூமியை மணிக்கு 32500 கிலோ மீட்டர் வேகத்தில் சுற்றி வருகிறார்கள்.

இதனால் அவர்கள் கிட்ட தட்ட ஒவ்வொரு 45 நிமிடத்திற்கும் ஒரு முறை சூரிய உதயம் அல்லது சூரிய அஸ்தமனத்தை காண்கிறார்கள்.

☯☯☯☯☯☯☯☯☯☯☯☯☯☯☯☯☯☯☯☯☯☯☯

31.

☸Earth shine பூமி ஒளி  ☸

பிறை கவனித்து இருக்கீங்களா ..பிறை தெரியும் போது நிலாவை கவனித்து இருக்கீங்களா ...
பிறை ஒரு சின்ன கீற்று போல தெரியும் ஆனால் கூடவே முழு நீலாவும் ஒரு மங்கலான ஒளியில் அவுட் லைன் போல தெரியும் .அதற்க்கு காரணம் என்ன தெரியும் அதுதான் "earth shine " பூமி ஒளி.

நமக்கு "நிலவொளி "தெரியும் அதாவது நிலாவில் சூரிய ஒளி பட்டு கண்ணாடி போல பிரதிபலிக்க பட்டு பூமிக்கு தெரிவது.
ஆனால் பூமி ஒளி தெரியுமா ?
நிலா போலவே சூரிய ஒளி பூமியில் பட்டு அது பிரதிபலித்து நிலாவிலும்  தெரிகிறது. நமக்கு எப்படி இரவு இருட்டை நிலாவின் பிரதிபலிப்பு ஒளி வெளிச்சமாக மாற்றுகிறதோ அப்படியே நிலாவின் இருட்டை பூமியின் பிரதிபலிப்பு ஒளி வெளிச்சமாக மாற்றுகிறது . அதற்க்கு பெயர் தான் "earth shine ."

என்ன ஒன்னு நம்ம நிலா அளவுக்கு இது ஒளி பொருந்தி இல்லாமல் லோ வோல்டேஜ் நேரத்து குண்டு பல்பு வெளிச்சம் போல மங்களா இருக்கும்.
சரி இந்த மங்கலான வெளிச்சத்தை நாம் பார்க்க முடியுமா ?
முடியும் . அதாவது பிறை நேரங்களில் மட்டும்

அதாவது அமாவாசை முடிந்து  பிறைகள் தெரிய தொடங்கும் நேரம் கவனித்து பாருங்கள் நிலாவில் பிறையின் சின்ன ஒளி கீற்று தெரிவது போக மொத்த நிலா ஒரு மங்கலான ஒளியில் பார்க்க முடியும்.  அந்த மங்கலான ஒளி பூமியின் ஒளி பட்டு கொஞ்சம் நிலா சிறிது வெளிச்சமாக ஆவதனால் தான். (மேலும் அறிய earth shine என்று தேடி பாருங்கள் )


☯☯☯☯☯☯☯☯☯☯☯☯☯☯☯☯☯☯☯☯☯☯☯

32.

வானில் பலூனில் பறக்க ஏன் ஹீலியம் வாயுவை பயன்படுத்துகிறார்கள் ?
விடை எளிமையானது.. காரணம் அது காற்றை விட எடை குறைவு எனவே மேலே மிதக்கும்.

ஆனால் கேள்வி என்னன்னா ...
ஏன் ஹைட்ரஜனை விட்டு விட்டு ஹீலியமை பயன்படுத்துகிறார்கள் ??
ஹைட்ரஜன் ஹீலியமை விட லேசான வாயு ஆச்சே ??

விடை : தீ பற்றி எரியும் அபாயத்தை தவிர்க்கவே ஹீலியம் பயன்படுத்த படுகிறது. ஹைட்ரஜன் காற்றில் நன்றாக எரிய கூடியது ஆனால் ஹீலியம் நம்ம கார்பன்டை ஆக்ஸைடு மாதிரி ஒரு மந்த வாயு (inert gas)
(பலர் மந்தமா இருந்தா திட்டறீங்க ஆனா பாருங்க பல இடங்களில் மந்த தன்மை தான் பயன்படுது )

மேலும் சில காற்றில் கலந்து எரியும் வாயுக்கள்...
 , அசிடலின், அமோனியா,ப்ரொபலின்,புரொபெய்ன் அப்புறம் நெடுவாசல் புகழ் மீத்தேன் ,ஈத்தேன் பியூட்டேன் மேலும் பல.....

சரி உங்களுக்கு ஒரு கேள்வி தீ பற்ற ஆக்சிஜன் தேவை என்கிறார்களே... நம்மை சுற்றி உள்ள காற்றில் தான் ஆக்சிஜன் உள்ளதே அப்போ ஒரு தீ குச்சி கிழித்தால் மொத்த காற்றும் பற்றி ஏறிய வேண்டுமே ஏன் அப்படி நடப்பது இல்லை.?
பதில் யோசித்து வையுங்கள் அடுத்த பதிவில் சொல்கிறேன்.

☯☯☯☯☯☯☯☯☯☯☯☯☯☯☯☯☯☯☯☯☯☯☯

33.

☸anticrespuscular rays ☸

anticrespuscular கொஞ்சம் சுவாரஷ்யமான சூரிய கதிர்கள் ஆகும். இது என்னனு பார்ப்பதற்கு முன்
"crespuscular rays " என்றால் என்னனு பார்ப்போம்.

மாலை வேளைகளில் மேகங்களில் சூரியன் ஒளிந்து இருக்கும் போது கதிர்கள் அழகாக கோடுகளாக மேகத்தின் உள்ளே இருந்து வருவதை நாம் பார்த்து இருப்போம் அல்லவா.. இதற்க்கு பெயர் தான்
"crespuscular rays"

இதில் "anticrespuscular rays " என்பது மிக அரிதாக காண கிடைப்பது ..
இது சூரியன் இருக்கும் திசைக்கு நேர் எதிர் திசையில் காண கிடைக்கும்.  வானில் ஆர்ட் போட்டது போல பல கோடுகள் போட்டு பார்க்க இன்னோரு சூரியன் எதிரில் மலைக்கு பின்னால் இருப்பது போல மாய தோற்றத்தை கொடுக்கும்.
சூரிய கதிர்கள் வானில் பாய்ந்து செல்ல அது தூசு ..பனி போன்ற வற்றால் குறியிட்ட படி எதிரொளிப்பதால் இது உண்டாகிறது.
இந்த அபூர்வ காட்சிக்கு பெயர் தான்
"anticrespuscular rays"

        ✴        ✴         ✴         ✴         ✴

நேற்று கேட்ட கேள்விக்கு பதில் :
தீ குச்சி கொளுத்தினால் ஏன் காற்றில் உள்ள ஆக்சிஜன் மொத்தமும் பற்றி எரிவது இல்லை ?
காரணம் ஆக்சிஜன் எரியும் வாயுவே இல்லை.
இது எரிபொருளையும் வெப்பத்தையும் கொடுத்தால் தீ பற்ற உதவும் ஒரு ஏஜென்ட் அவ்வளவே.

☯☯☯☯☯☯☯☯☯☯☯☯☯☯☯☯☯☯☯☯☯☯☯

34.

☸Ming the clam ☸

"Ming " எனும் ஒரு சிப்பி யை பற்றி தெரியுமா ?.
உலகத்தில் தோன்றிய உயிரிகளிலேயே அதிக நாள் உயிர் வாழ்ந்த உயிரி இந்த "ming "
மிங் ஒரு சிப்பி.

அத்வைதா என்ற ஒரு ஆமை தான் நாம் அறிந்த வரையில் 255 ஆண்டுகள் வாழ்ந்த மிக மூத்த உயிரினம்.
ஆனால் இந்த மிங் உயிரோடு இருந்தது 507 ஆண்டுகள்.

Iceland கடல் பகுதியில் இருந்து தான் மிங் பிடித்து வர பட்டது.
மரங்களில் வளையங்களை கணக்கிடுவதன் மூலம் வயதை காண முடிவதை போல இந்த சிப்பி உடலிலும் வளையங்கள் கொண்டு வயதை கணக்கிடும் முறைகள் உண்டு.

Ming 507 ஆண்டுகள் வாழ்ந்தும் இயற்கையாக அது சாக வில்லை. அதன் மேல் பாகத்தை ஆராய்ந்து அதன் ஆயுள் நிச்சயம் 103 ஆண்டுகளுக்கு மேல் என்று அறிந்து ஆச்சர்ய பட்ட விஞ்ஞானிகள் அதன் நிஜமான வயதை கண்டறிய அதை உடைத்து சாகடித்தார்கள்.
அதன் பின் தான் தான் கற்பனை செய்ததை விட பல மடங்கு அதிக வயதை கொண்டது மிங் என கண்டார்கள் .

தனது 507 வது வயதில் உலகின் மிக அதிக நாள் வாழ்ந்த உயிரினம் எனும் ரெகார்ட் பிரேக் பெருமையோடு விஞ்ஞானிகளால் கொல்ல பட்டது "ming "

இன்று காட்சி பொருளாக பத்திரமாக உள்ளது ming

மேலும் தகவலுக்கு "ming the clam " என்று தேடி பாருங்கள்


☯☯☯☯☯☯☯☯☯☯☯☯☯☯☯☯☯☯☯☯☯☯☯

35.

☸இருண்ட கிரகம் TrES-2b ☸

நாம் ஒளியை விழுங்கி ஏப்பம் விடும் கரும் துளைகள் பற்றி கேள்வி பட்டு இருப்போம்.
ஆனால் கரும் கிரகம் கேள்வி பட்டு இருக்கிறீர்களா...பிளாக் ஹோலுக்கு நிகராக ஒளியை இழுத்து வெளியிடாத ஓரு கிரகத்தின் பெயர் தான்.TrES 2 b

இது நமது சூரிய குடும்பத்தை சார்ந்தது அல்ல 750 ஒளி ஆண்டு தொலைவில் உள்ள  GSC 03549-02811 எனும் நட்சத்திரத்தை சுற்றி வரும் ஒரு கிரகம் . இது தனது மேல் விழும் ஒளியில் 1 சதம் மட்டுமே பிரதிபலிப்பதால் நாம் அறிந்த கிரகங்களிலேயே மிக இருண்ட கிரகம் இது தான் என்கிறார்கள்.
மேலும் தகவலுக்கு Tres 2 b என தேடி பாருங்கள் .

☯☯☯☯☯☯☯☯☯☯☯☯☯☯☯☯☯☯☯☯☯☯☯

36.

☸Sonoluminescence☸

ஒலியை ஒளியாக மாற்ற முடியுமா ? என்று கேட்டால் உங்களில் பெரும்பான்மையானவர்கள் சொல்ல கூடிய பதில் "முடியாது" என்பதாக தான் இருக்கும். ஆனால் அது சாத்தியம் தான். அதற்கு பெயர் தான் "Sonoluminescence "

 மிக தற்செயலாக கண்டுபிடிக்க பட்ட ஒரு அறிவியல் உண்மை தான்
"Sonoluminescence "

நீருக்குள் இருக்கும் காற்று குமிழை ஒலி அலைகளை கொண்டு தாக்கினால் என்ன ஆகும் என்று தெரியுமா ??

1934 இல் cologne பல்கலைக்கழகத்தில்
 H. Frenzel மற்றும் H. Schultes இருவரும் சோனாரில் எதையோ ஆராய்ந்து கொண்டு இருக்கும் போது அதை கண்டார்கள் .
நீரில் உள்ள காற்று குமிழை ஒலி அலைகள் கொண்டு தாக்கினால் அங்கே ஒளி உண்டானது.
அந்த குமிழுக்கு பெயர் தான் "Sonoluminescence "

அது ஏன் அப்படி அந்த ஒளி உண்டாகிறது என்பது தான் இன்று வரை யாருக்கும் தெரியவில்லை.

மேலும் தகவலுக்கு ...
Sonoluminescence Is Light Made From Sound https://curiosity.com/topics/sonoluminescence-is-light-made-from-sound-curiosity/


☯☯☯☯☯☯☯☯☯☯☯☯☯☯☯☯☯☯☯☯☯☯☯

37.

☸ HAMMER ☸

நேற்று ரிலீஸ் ஆகி ஓடி கொண்டிருக்கும் டிக் டிக் டிக் அறிவியல் படம் பார்த்தீர்களா ?
அப்படி நிஜமாக மிக பெரிய விண்கல் ஒன்று பூமியை மோத வந்தால் என்ன செய்வார்கள் விஞ்ஞானிகள் ?

அதற்க்கு வைத்துள்ள தீர்வின்  பெயர் தான் HAMMER
அதாவது Hypervelocity Asteroid Mitigation Mission for Emergency Response vehicle)

இது என்ன பண்ணும் என்றால் எரிக்கல்லை பாதி வழியில் சுத்தியை போல தாக்கி பதை மாறி பயணிக்க செய்யும்.

 September 25, 2135. ஆம் ஆண்டு ஒரு விண்கல் மோத இருக்கிறது அதற்க்கு இந்த தொழில் நுட்பம் பயன்படுத்த படலாம்.

அனைவருக்கும் அறிவியல் காலை வணக்கம்

ரா.பிரபு

☯☯☯☯☯☯☯☯☯☯☯☯☯☯☯☯☯☯☯☯☯☯☯

38 .

      ☸ Lyrebird ☸

ஆஸ்திரேலியாவில் வசிக்கும் மிக திறமை வாய்ந்த ஒரு பறவை தான் "lyrebird "
இதன் மிமிக்ரி திறன் மிக அபாரமானது.இது காட்டில் கேட்கும் கிட்ட தட்ட அணைத்து சப்தத்தையும் அப்படியே பிரதிபலிக்கும்.. காட்டில் உள்ள அனைத்து பறவைகள் போலவும் இதனால் கத்த இயலும்.
மேலும் தனது இணையை கவர தனக்கென பிரத்தியேக லேசர் கன் மாதிரி ஒரு சப்தத்தையும் வைத்து இருக்கிறது.
பல விசில் சத்தத்துடன் அவ்வபோது ராகமும் பாடும்.

இதன் மிமிக் திறமை எந்த அளவு என்றால் காட்டு வழியே கடந்து செல்லும் பைக் சப்தத்தை கேட்டு அப்படியே" விரரர்ர்ரும்..... விரர்ர்ர்ரும்..." சப்தத்தை கொடுக்கும்.
அலாரம் சப்தத்தை கொடுக்கும்.
யாராவது இதை படம் எடுத்தால் கேமராவில் வரும் "கற்ற்ற்றரர்க் டக் " சப்தத்தை கூட கொடுக்கும் மேலும் காட்டில் கேட்கும் செயின் சா சப்தமும் இதனால் கொடுக்க முடியும்.

ஆனால் இதையெல்லாம் விட இனி நான் சொல்ல போவது தான் மிகவும் ஆச்சர்யமான விஷயம்.

இந்த பறவை தனது வாழ்நாளில் பார்த்தே இறாத மற்ற சில பறவைகள் போல கூட கத்த முடிவது தான் ஆச்சர்யத்தின் உச்சம்.
அந்த சப்தங்கள் அதன் பெற்றோர் கேட்டு நினைவில் நிறுத்தி வைத்தவை.  DNA மூலம் கடத்த பட்டு பிறவி நினைவாக அந்த ஒலி அறிவு இவைகளுக்கு கிடைக்கிறது .

அப்பா கேட்ட ஒரு விஷயத்தை மகன் வளர்ந்து சரியாக அதை சொன்னால் அது எவ்வளவு பெரிய ஆச்சர்யமான விஷயம்.??

அதன் இனிமையான குரலை கேட்க
லிங்க் ஐ சோடக்குங்கள்.

https://youtu.be/VjE0Kdfos4Y


☯☯☯☯☯☯☯☯☯☯☯☯☯☯☯☯☯☯☯☯☯☯☯

39.

☸நீரில் ஒரு பனி கட்டி ☸

பலருக்கு தெரிந்த எளிய உண்மை தான். ஆனால் இன்னுமும் சிலர் அறியாமல் இருக்கலாம் என்பதால் இதை சொல்கிறேன்.

ஒரு குவளை நிறைய நீர் இருக்கிறது அதில் ஒரு பனி கட்டி மிதக்கிறது. இப்போது துளி அளவு நீரை அதில் ஊற்றினாலும் வழிந்து ஓடும் அந்தளவு நிரம்பிய நிலை என்று வைத்து கொள்ளுங்களேன்.

இப்போது கேள்வி என்னன்னா ....
அந்த பனி கட்டி அந்த நீரில் முழுதாக கரைந்து விட்டால் அந்த குவளை நீர் என்ன ஆகும் நிரம்பி கீழே வழியுமா ?

வழியாது என்பது தான் சரியான பதில் .
அவ்வளவு பணிகட்டியின் நீர் உபரியாக இணைந்தும் வழியாமல் இருக்க காரணம் என்ன ??

பனிகட்டி நீரில் மிதக்க காரணம் உறையும் போது நீரின் ஹைட்ரஜன் மூல கூறுகள் தங்களுக்குள் இடைவெளி விட்டு ஒரு கட்டமைப்பை மேற் கொள்கின்றன இதனால் இடம் அதிகமாகி அடர்த்தி குறைகிறது.
அதர்த்தியான நீரில் அடர்த்தி குறைவான  பனி கட்டி மிதக்கிறது.

அப்படி மிதக்கும் பனி கட்டி தனக்கே உரிய இடத்தை அடைத்து கொண்டே மிதக்கிறது இன்னும் சொல்ல போனால் நீராக இருக்கும் போது பிடிக்கும் இடத்தை விட அதிக இடத்தை பிடிக்க பார்க்கிறது.
எனவே உருகி நீராக மாறிய உடன் இதற்க்கு முன் தான் பிடித்து வைத்திருந்த அதே இடத்தில் தான் நீராக நிரம்புகிறது .இதனால் முன்பு இருந்த அதே நிலையில் தான் குவளை நீர் இருக்கிறது. நிரம்பி வழிவது இல்லை


✴✴✴✴✴✴✴✴✴✴✴✴✴✴✴✴✴✴✴✴✴

40.

☸ Oumuamua ☸

" Oumuamua " என்ற பெயரை கேள்வி பட்டு இருக்கிறீர்களா ?

டிக் டிக் டிக் படத்தில் வருவது போல Asteroid கள் அதாவது விண்கற்கள்  பெரும்பாலும் செவ்வாய் மற்றும் வியாழனுக்கு நடுவில் சுற்றி கொண்டிருந்து வரும்.
அதை விட்டால் இன்னும் தாண்டி சனி அருகில் இருந்து கூட வரலாம்.
ஆனால் நமது சூரிய குடும்பத்தை தாண்டி வெளியில் இருந்து வந்த முதல் கல் ஒன்றை 2017 ஆம் ஆண்டு தான் .
ஒரு மெகா சைஸ் சுருட்டு வடிவில் இருக்கும் இது தான் நாம் பார்த்த முதல் சூரிய குடும்பம் சாராத விண்கல்.
இதன் பெயர் தான்  Oumuamua,

நல்ல வேலையாக இதனால் பூமிக்கு ஆபத்து ஏதும் இல்லாமல் போனது.


☯☯☯☯☯☯☯☯☯☯☯☯☯☯☯☯☯☯☯☯☯☯☯

41.

☸ asteroid and comets ☸

விண்ணில் இருந்து வரும் விண்கற்கள் Asteroid மற்றும் comets இரண்டுக்கும் உள்ள வித்தியாசம் என்ன ?

Asteroids கள் பாறைகளால் மற்றும் உலோக கலவைகளால் ஆனது .
Comets கள் பனிக்கட்டி மற்றும் தூசுகளால் ஆனது..
இரண்டுமே சூரியன் உருவான கால கட்டத்திற்கு கிட்ட தட்ட உருவானவைகள் தான்

இனொருத்தர் இருக்கார் "meteroids "
அதாவது asteroid களில் கொஞ்சம் சின்ன சைஸ் பாறைகள் meteroids களாகும்.


☯☯☯☯☯☯☯☯☯☯☯☯☯☯☯☯☯☯☯☯☯☯☯

42.

☸ Starquake ☸

நமக்கு earth quake தெரியும் பூமியில் நடக்கும் நில அதிர்வு.
ஆனால் இதே போல starquake எனும் நிகழ்வும் உண்டு.

நட்சத்திரங்கள் அழியும் போது தனக்கு தானே சுருங்கி மடங்கி  கற்பனை பண்ண முடியாத அடர்த்தியாகி நியூட்ரான் ஸ்டார் ஆகிறது. அந்த நிகழ்வுகளில் தனக்குள் தானே ஒடுங்கும் போது அதன் நகர்வு தனது காந்த விசையுடன் சேர்ந்து star quake ஐ நடத்துகிறது...
ஸ்டார் குவேக் நமது பூமியின் நிலநடுக்கத்தை விட பல லட்சோப லட்சம் மடங்கு அதிக சக்தி வாய்ந்தது.

ஒரு உதாரணம் சொல்கிறேன்.
 SGR 1806- 20 எனும் நட்சத்திரத்தில் ஒரு நட்சத்திர அதிர்வு நடந்தது அப்போது அது ஒரு வினாடியில் 10 இல் ஒரு பகுதி நேரத்துக்கு ஒரு ஆற்றல் கற்றையை வெளியிட்டது.
அந்த ஆற்றலின் அளவு நமது சூரியன் 1.5 லட்சம் ஆண்டுகளில் வெளியிடும் ஆற்றலுக்கு சமமாக இருந்தது.


☯☯☯☯☯☯☯☯☯☯☯☯☯☯☯☯☯☯☯☯☯☯☯

43.

ஹீலியத்தை absolute zero வுக்கு நெருக்கமாக குளிர்வித்தால் (அதாவது -- 273.15 டிகிரி C ஐ நெருங்கி... ) அது ஒரு anti gravity பொருளாக திரவ வடிவில் மாறி தான் வைக்க பட்டுள்ள பாத்திரத்தில் தலைகீழாக ஏற தொடங்கும்.


☯☯☯☯☯☯☯☯☯☯☯☯☯☯☯☯☯☯☯☯☯☯☯

44.

 ☸ S.E.M மற்றும் T.E.M ☸

மிக நுண்ணிய பொருட்களை காண எலெக்ட்ரான் நுண்ணோக்கி பயன் படுத்த படுகிறது என நாம் அறிவோம் இதில் இரண்டு வகைகள் உள்ளன ஒன்று sem இனொன்று tem. இவைகள் என்ன என்று பார்ப்போம்.

சாதாரணமாக வெறும் கண்ணால் இரண்டு புள்ளிகள் 0.2 mm க்கு குறைவான நெருக்கத்தில் இருந்தால் நமது கண்ணால் காண இயலாது.
(இது தான் resolution of the eye. )
இதை பெரிது பண்ணி காட்ட சில லென்ஸ் அமைப்பு உதவலாம் ஆனால் மிக மிக நுண்ணிய பொருட்களை காண லென்ஸின் ச(யு)க்தி உதவாது .
பொதுவாக வெள்ளை ஒளி அலைநீளம்
400 to 700 nanometers .சராசரியாக  அலை நீளம் 550 nm என்று சொல்லலாம்.
இவைகளை நுன்நோக்கியில் பயன்படுத்த 200 –  250 nm அளவில் மட்டுமே முடியும் . இந்த எல்லையை கடந்து பொருட்களை காண்பது சிரமம்.

இங்கே தான் ஒளியின் போட்டான் துகளை கையாலும் லென்ஸ் ஐ ஒரம் கட்டிவிட்டு எலெக்ட்ரான் களை கையாளும் நுண்ணோக்கி தேவை படுகிறது. எலெக்ட்ரானின் அலை நீளம் குறைவு எனவே அதிக ரெஷலுஷன் களை பெற முடியும்.

SEM : scanning electron microscope
மற்றும்
TEM : Transmission electron microscop

இரண்டுமே எலக்ட்ரான்களை கையாள கூடியது தான் .
இதில் sem படங்கள் கொஞ்சம் தெளிவாக கிடைக்கும் பெரிது பண்ணி பார்க்கலாம் ஆனால் 2 D யில் கருப்பு வெள்ளையாக தான் கிடைக்கும்.
ஆனால் Tem இல் 3D பெற முடியும்.

பொதுவாக இவைகள் வேலை செய்யும் விதத்தில் என்ன வித்தியாசம் எங்கே இவைகள் வேறு படுகின்றன என்று பார்த்தால்...

இரண்டிலுமே எலக்ட்ரான் உண்டாகும் கன் அமைப்பு இருக்கும் அதை கட்டு படுத்த காயில் அமைப்பு இருக்கும் எலெக்ட்ரான் பாய வெற்றிடம் இருக்கும்
அப்புறம் எலக்ட்ரான் டிடக்டர் அமைப்பு ஒன்று இருக்கும்.
ஆனால் முக்கியமாக ஒரு விஷயத்தில் மாறுபடுகின்ற.

காண பட வேண்டிய பொருளில் எலக்ட்ரான் பட்டு தெறித்து அந்த தெறிக்கும் எலெக்ட்ரானை படம் பிடித்து ஆராய்ந்து பார்த்தால் அது SEM.

பொருளில் எலக்ட்ரான் பட்டு ஊடுருவி சென்று அந்த ஊடுருவிய எலக்ட்ரான் ஐ ஆராய்ந்து படம் எடுத்தால் அது TEM..

சரி உங்களுக்கு ஒரு கேள்வி : ஒளி கண்ணாடி வழியாக ஊடுருவி செல்கிறது ஆனால் ஏன் உலோகங்களை ஊடுருவது இல்லை ??
யோசித்து வையுங்கள்
விடை அடுத்த பதிவில் சொல்கிறேன்


☯☯☯☯☯☯☯☯☯☯☯☯☯☯☯☯☯☯☯☯☯☯☯
45.

☸ ஊடுருவும் ஒளி ☸

ஒளி கண்ணாடி வழியாக ஊடுருவுகிறது ஆனால் ஏன் உலோகங்கள் வழியே இல்லை ??

முதலில் இங்கே நாம் குவாண்டம் பிசிக்கிஸ் இல் படித்த ஒரு சின்ன விஷயத்தை நினைவு கூறுவோம்.
அணுக்களில் வெவேறு சுற்று பாதையில் எலெக்ட்ராண்கள் சுற்றி கொண்டிருக்கும் .
அவைகள் அனுவின் கருவை விட்டு கொஞ்சம் தள்ளி வேறு பாதையில் சென்று சுற்ற வேண்டும் என்றால் அவைகளுக்கு எனர்ஜி தேவை அதாவது எலெக்ட்ரான் க்கு ஆற்றலை கொடுத்தால் அவைகள் தாவ முடியும் .
அதே போல அணுக்கருவை அவைகள் நெருங்கி வந்து சுற்ற வேண்டும் என்றால் ஆற்றலை அவைகள் வெளியிட வேண்டும் அதாவது இழக்க வேண்டும் (அந்த ஆற்றல் ஒளியாக வெளியேறும் என்பது வேறு விஷயம் )

இப்போது உலோகங்களில் free electrons தாராளமாக இருக்கும் காரணத்தால் அதன் வழியே ஒளி அதாவது போட்டான் ஊடுறுவினால் அதில் இருக்கும் ஆற்றலை அந்த free electrons உள்ளே இழுத்து கொள்கின்றன.
ஆனால் கண்ணாடியில் எலெக்ட்ரான்ஸ் அணு கருவை சுற்றி இறுக்கமான பிணைப்பை வைத்து இருப்பதால் அவற்றை தாவ செய்ய போட்டானின் ஆற்றல் போதாது என்பதால் அவை கண்ணாடியை ஊடுருவுகின்றன.

சரி உங்களுக்கு ஒரு கேள்வி :
காமா அலைகள்,ரேடியோ அலைகள் சாதாரண ஒளி இவை மூன்றுமே மின்காந்த அலைகளின் வடிவம் தான்.
ஆனால் இவற்றில் ஒளியால் சுவரை கடந்து செல்ல முடியாது ஆனால் காமா அலைகளும் ரேடியோ அலைகளும் சுவர்களை தாண்டி செல்ல கூடியவை
எப்படி அவைகளால் மட்டும் சுவரை தாண்டி செல்ல முடிகிறது.
பதிலை யோசித்து வையுங்கள் அடுத்த பதவில் சொல்கிறேன்.

☯☯☯☯☯☯☯☯☯☯☯☯☯☯☯☯☯☯☯☯☯☯☯

46.

காமா கதிர்களும் ரேடியோ அலைகளும் சுவரை ஊடுருவும் போது ஏன் சாதாரண ஒளிகளால் ஊடுருவ முடிவது இல்லை.

ஒரு சின்ன எடுத்துக்காட்டு ஒரு மழை பெய்கிறது அதில் ஒரு கொசு ஒரு சிறுவன் இருவரும் மழையை கடக்க முயற்சி செய்கிறார்கள் இப்போது என்ன ஆகும் ? அந்த சிறுவன் மழையை எளிதாக கடந்து செல்ல முடியும் காரணம் அவன் அளவில் பெரியவன் என்பதால் மழையால் பாதிக்க பட மாட்டான்.
ஆனால் கொசு கிட்ட தட்ட மழை துளி வடிவில் இருப்பதால் அதில் அடி பட்டு விழுந்து விடும்.
இதே போல ஒரு வேளை அந்த கொசு ஒரு அணு அளவில் இருந்தால் ?
அப்போது அந்த மழை துளி இடைவெளியில் அதனால் எளிதாக கடந்து செல்ல முடியும் அல்லவா ?

அப்படி தான்.. ஒரு சுவரில் உள்ள அணு அமைப்பிற்கு கிட்ட தட்ட சமமான அளவில் அலை நீளத்தை கொண்டுள்ள ஒளியின் அலைகள் சுவரால் தடுத்து நிறுத்த படுகின்றன.
ஆனால் காமா அலைகள் சுவரின் அணு அமைப்பை விட மிகசிரியவை எனவே எளிதில் கடந்து செல்கின்றன.
அதே போல ரேடியோ அலைகள் சுவரின் அணு அமைப்பை விட மிக பெரியவை எனவே அவற்றால் தடுத்து நிறுத்த முடியாமல் அவற்றை கடந்து செல்ல அனுமதிக்கினறன.

☯☯☯☯☯☯☯☯☯☯☯☯☯☯☯☯☯☯☯☯☯☯☯

47.

☸ உருமாறும் டைட்டன் நிலா ☸

சனி கிரகத்தின் நிலவு டைட்டன் நம்மை போலவே வளிமண்டலத்தை கொண்ட ஒரே நிலா.
அது ஒவொரு முறை சுற்றும் போதும் உருமாறி கொண்டே இருகிறது.

உருமாறி கொண்டே இருப்பதை தான் நமது நிலவே செய்கிறதே இதில் என்ன ஆச்சர்யம் என்று கேட்கிறீர்களா
டைட்டன் பெரும் பகுதி பணியால் மூட பட்டு இருப்பதால் நெருங்கி சுற்றும் போது அதிக ஈர்ப்புக்கும் விலகி சுற்றும் போது குறைந்த ஈர்ப்புக்கும் ஆளாவதால் ஒரு இழுக்க படும் ரப்பர் பந்து போல சனியின் பரப்புகள் சுருங்கி விரிந்து சுருங்கி விரிந்து கொண்டு இருப்பதால் நமது நிலா போல வெறும் காட்சியாக இல்லாமல் டைட்டன் நிஜமாகவே உருமாறி கொண்டு இருக்கின்றது.

☯☯☯☯☯☯☯☯☯☯☯☯☯☯☯☯☯☯☯☯☯☯☯

48.

☸விண்வெளி பீர் ☸

விண்வெளியில் பல விசித்திரமான விஷயங்கள்... பொருட்கள் இருக்கிறது என்பது நமக்கு தெரியும்
ஆனால் விண்வெளியில் ஆல்கஹால் இருக்கிறது தெரியுமா ?
அதுவும் கற்பனை பண்ண முடியாத அளவில்.

1995, ஆம் ஆண்டு ஓரு விண்வெளி மேக கூட்டத்தை கண்டு பிடித்தார்கள் அதன் பெயர் "gas cloud G34.3 ".
இந்த மேக கூட்டம் நமது மொத்த சோலார் குடும்பத்தை விட 10000 மடங்கு பெரிய அளவை கொண்டது.
இதில் உள்ள பொருள் நமது பீரில் உள்ள அதே பொருள் ethil ஆல்கஹால்..

இதில் உள்ள மொத்த ஆல்கஹாலை வைத்து பூமியில் உள்ள ஒவ்வோரு மனிதனுக்கும் தினமும் பீர் சப்ளை செய்ய முடியும் அதுவும் அடுத்த 10 கோடி ஆண்டுகளுக்கு....

நல்ல வேளையாக அது இருப்பது இங்கிருந்து 10000 ஒளி ஆண்டு தொலைவில்.

மேலும் தகவலுக்கு லிங்க்

Cosmic Cloud Contains Enough Alcohol to Keep The Whole World Drinking For a Billion Years https://www.sciencealert.com/cosmic-cloud-contains-enough-alcohol-to-keep-the-world-world-drinking-for-a-billion-years

☯☯☯☯☯☯☯☯☯☯☯☯☯☯☯☯☯☯☯☯☯☯☯

 49.

☸செவ்வாய் ஏன் சிகப்பு ☸

செவ்வாய் கிரகம் சிகப்பாக இருக்க காரணம் துறு பிடித்தல்.
செவ்வாயின் பாறை மற்றும் மண்ணில் உள்ள இரும்பு ஆக்சிஜனுடன் வினை புரிந்து துறு பிடித்து மொத்த கிரகத்தை துறுவால் நிரப்பி வைத்து இருக்கிறது

ஒரு காலத்தில் அங்கே ஆக்சிஜன் இருந்து என்பதற்கு இதுவே சான்று.

☯☯☯☯☯☯☯☯☯☯☯☯☯☯☯☯☯☯☯☯☯☯☯

50.

☸ பாக்டிரியா சோலார் பேனல் ☸

சோலார் பேனல்கள் நமக்கு மின்சார உற்பத்திக்கு உதவுபவை என்பது நாம் அறிவோம்.
ஆனால் அவைகள் மேக மூட்டம் காலங்களில் குறைந்த ஆற்றல் கொண்டவை இப்போது அந்த குறையை தீர்க்க ஒரு வழி கண்டு பிடித்து இருக்கிறார்கள் ஆய்வாளர்கள்.
அதற்கு நமக்கு உதவ போவது பாக்டீரியாக்கள் அதுவும் நமக்கு நோய் பரப்பும் ஈ கோலி மாதிரியான பக்டிரியக்கள்.

இவைகள் எப்படி மின் உற்பத்தி க்கு உதவ முடியும்?
ஈ கோலி பக்டிரியா lycopene என்ற ஒரு பொருளை உற்பத்தி செய்கின்றன.

(ஒரு போனஸ் அறிவியல் காலை செய்தி : தக்காளி ஏன் சிகப்பு நிறத்தில் இருக்கிறது விடை : அதற்கு காரணம் மேலே சொன்னா அந்த lycopane என்ற பொருள் தான் )

மேலே சொன்ன பொருளை கலந்து பாக்டிரியா கோடிங் கொண்ட டை யை சோலார் பேனலில் அடிக்கிறார்கள் இவைகள் ஒரு எலக்ட்ரானிக்ஸ் அய்ட்டம் மாதிரி அரைகடத்தியாக செயல் பட்டு மின் உற்பத்தி செய்கின்றன

இவைகள் குறைந்த ஒளியிலேயே மின்சாரத்தை உண்டாக்க கூடியவை

மேலும் தவலுக்கு லிங்க்
Bacteria-powered solar cell can produce electricity on cloudy days – The Indian Express https://indianexpress.com/article/technology/science/bacteria-powered-solar-cell-can-produce-electricity-on-cloudy-days-5246958/lite/

☯☯☯☯☯☯☯☯☯☯☯☯☯☯☯☯☯☯☯☯☯☯☯

51.

சூடு தண்ணீர் ஆற்றிய அனுபவம் அனைவருக்கும் உண்டு..
சில நேரம் பச்சை தண்ணீரை கிளாசில் ஊற்றி இருப்பீர்கள் ஆனால் ஊற்றும் ஒலியை நுணுக்கமாக என்றாவது கவனித்தது உண்டா ??

சூடு தண்ணீர் ஊற்றும் சத்தமும் குளிர்ந்த நீர் ஊற்றும் சப்தமும் ஒன்று அல்ல.

இரண்டிற்கும் அடர்த்தி வேறாக இருப்பதால் அவைகளின் ஊற்றும் ஒலியில் வித்யாசம் உள்ளது.
சூடு நீர் கொஞ்சம் "லோ பிச்"


☯☯☯☯☯☯☯☯☯☯☯☯☯☯☯☯☯☯☯☯☯☯☯

52.

☸The Mpemba effect ☸

குளிர்விக்க படும் போது ஒரு சாதாரண நீரை விட கொதித்து கொண்டிருக்கும் சூடான நீர் விரைவில் பனிக்கட்டி ஆகி உறைந்து போகும் என்பது ஒரு ஆச்ரயமான உண்மை இந்த விசித்திர நிகழ்வுக்கு பெயர் தான் "The Mpemba effect"

1960 களில் சமையல் வகுப்பு எடுக்கும் மாணவன் ஒருவன் இதை கவனித்ததால் அவன் பெயரில் இது அழைக்க படுகிறது. ஆனால் உண்மையில் இதை முதலில் கவனித்தது அரிஸ்டாட்டில்.

எதனால் இப்படி நடக்கிறது என்பதை புரிந்து கொள்ள நாம் முதலில் நீரில் உள்ள மூலக்கூறு அமைப்பை கொஞ்சம் புரிந்து கொள்ள வேண்டும்.

 இதை கொஞ்சம் கற்பனை செய்யுங்கள் ...
ஒரு மனிதர் தனது இரண்டு கைகளிலும் இரண்டு சிறுவனை அவர்கள் தோளில் கை வைத்து பிடித்து கொண்டு இருப்பதாக கற்பனை செய்யுங்கள்.
அந்த மனிதன் பெயர் தான் ஆக்சிஜன் அந்த இரண்டு குட்டி சிறுவர்கள் பெயர் தான் ஹைட்ரஜன். (இப்படி தான் ஓர் பெரிய ஆக்சிஜன் அணு இரண்டு குட்டி ஹைட்ரஜன் அணுவுடன் தொடர்பில் இருக்கிறது நீர் மூல கூறில். )
இதில் அந்த இரண்டு சிறுவர்களும் பக்கத்தில் இன்னோரு பெரிய மனிதர்களை தாவி இடுப்பில் கைவைத்து பிடித்து கொண்டிருக்கின்றனர் .
அந்த இரண்டு பெரிய மனிதர்களும் வேறு இரண்டு குட்டி சிறுவர்களை தோளில் பிடித்து இருக்கின்றன. இப்போ ஓரளவு இந்த கட்டமைப்பு புரிகிறதா ??

சரி இப்போ கவனியுங்கள் அந்த ஆக்சிஜன் எனும் பெரிய மனிதர்கள் இரண்டு ஹைட்ரஜன் சிறுவனை பிடித்து இருக்கும் பிணைப்பு இருக்கிறதே அது உறுதியானது அதன் பெயர் covelant bond . ( covelent bond என்றால் இரண்டு அணுக்கள் தங்கள் எலெக்ட்ரான்களை பங்கு போட்டு கொள்வது என்று பொருள)  ஆனால் அந்த சிறுவர்கள் பெரியவரை பிடித்து வைத்திருக்கும் பிணைப்பு கொஞ்சம் வலிமை குறைந்தது அதற்க்கு பெயர் hydrogen bond . (இந்த ஹைட்ரஜன் பாண்ட தான் நீரை மற்ற திரவத்தை விட அதிக கொதி நிலை கொண்டதாக வைத்து இருக்கிறது ...)

நீர் வெப்பம் ஆகும் போது அந்த சிறுவர் பிணைப்பு (ஹைட்ரஜன் பாண்ட் ) மட்டும் ரப்பர் போல நீளுகிறது  சிறுவர்கள் கைகள் ரப்பர் போல நீளுவதாக கற்பனை செய்யலாம் .ஆனால் கோவலண்ட் பாண்ட் பகுதி உறுதியாக இருக்கிறது. அந்த நீளும் பகுதி இழுக்க பட்ட ஸ்பிரிங் போல ஆற்றலை சேமித்து இருக்கிறது.
இந்த நிலையில் நீர் குளிர்விக்க பட்டால்
அவைகள் விடுபட்ட ஸ்பிரின்ங் போல மிக வேகமாக ஆற்றலை இழக்கின்றன
எனவே மிக வேகமாக உறைகின்றன.

சாதா நீரை குளிர்வித்தல் என்பது ஒரு ரப்பரை ஒரு இலக்கு நோக்கு தள்ளி விடுவதை போல என்றால் சுடு நீரை குளிர்வித்தல் என்பது ரப்பரை  இழுத்து விட்டு  விசையில்  வேகமாக சென்றடைய செய்வது போல என்று சொல்லலாம்.

☯☯☯☯☯☯☯☯☯☯☯☯☯☯☯☯☯☯☯☯☯☯☯

53.

வானவில்லில் எத்தனை நிறங்கள் உள்ளன.
7 என்பது தான் எளிமையான பதில் .

ஆனால்....

ஒரு வெள்ளை ஒளியில் வண்ணங்களுக்கு ஏற்ப வெவேறு அலை  நீளங்கள் உள்ளன . அவற்றில் ஒரே ஒரு புரோட்டான் அளவு தொடங்கி பெரிய அளவு வரை உள்ளது.
இதில்...380 முதல் 780 நானொமீட்டர் அளவு வரை தான் கண்களால் பார்க்கமுடிகிறது.
நாம் பார்க்க முடியாவிட்டாலும் இன்னும் பல வண்ணங்கள் அங்கே இருக்க தான் செயகின்றன.

எனவே... வானவில்லில் எத்தனை நிறங்களை நாம் பார்க்க முடியும் என்ற கேள்விக்கு தான் 7 என்பது சரியான விடை.
ஆனால் வானவில்லில் மொத்தம் எத்தனை வண்ணங்கள் உள்ளன என்ற கேள்விக்கு பதில் இன்பினிட்டி.. .
ஆம் வானவில்லில் எண்ணற்ற வண்ணங்கள் உள்ளன.

அனைவருக்கும் அறிவியல் காலை வணக்கம்.

☯☯☯☯☯☯☯☯☯☯☯☯☯☯☯☯☯☯☯☯☯☯☯

54.

பூமி சூரியனை எந்த மாதிரி பாதையில் சுற்றி வருகிறது என்று கேட்டால் விடை எளிமையானது நீள் வட்ட பாதையில்
ஆனால் இது சரியான உண்மை அல்ல

பால் வெளி திரளில் வட்டத்தில் சூரியன் பாய்ந்து ஓட அதை சுற்றிய படியே பின் தொடரும் பூமியின் பாதை எத்தகையது ??

ஒரு மைதானதில் நின்று இருக்கிறீர்கள் என்று கற்பனை செய்யுங்கள்... உங்கள் முன்னால் ஒரு பந்து நேர் கோட்டில் பாய்ந்து செல்கிறது என வைத்து கொள்ளுங்கள்.
இப்போது அந்த பந்தை சுற்றிய படியே ஒரு புகைந்து கொண்டிருக்கும் தீபாவளி ராக்கெட் ஒன்று பின் தொடர்வதாக கற்பனை செய்யுங்கள்.
இப்போது அது கடந்து செல்லும் போது அந்த ராக்கெட் புகை பாதை என்ன மாதிரி இருக்கும் கற்பனை செய்து பாருங்கள்...
ஒரு ஸ்பிரிங் போன்ற பாதையில் அது சுற்றி சென்றிருப்பது தெரியும் அல்லவா...

சூரியன் நகராமல் ஒரே இடத்தில் நிற்பான் எனில் நீள் வட்ட பாதை என்பது சரி...
ஆனால்....  மணிக்கு கிட்ட தட்ட 8 லட்சம் கிலோமீட்டர் பாய்ந்து ஒடும் சூரியனை பூமி மேலே சொன்ன படி ஸ்பிரிங் வடிவில் சுற்றி கொண்டு செல்கிறது என்பதே சரி.

☯☯☯☯☯☯☯☯☯☯☯☯☯☯☯☯☯☯☯☯☯☯☯

55.

 ☸ வாயு குணம்☸

பொதுவாக ஒவ்வொரு வாயுவும் தனக்கே உரிய வெவ்வேறு குணாதிசயங்களை கொண்டது ஆனால் அவைகள் சில விஷயத்தில் பொதுவானவை.
அப்படி அனைத்து வயுவுக்கும் இருக்கும் பொதுவான குணங்கள் சிலதை பார்ப்போம்.

☯ அடர்த்தி : வாயுவின் மூலக்கூறுகள் நன்கு இடைவெளி விட்டு பரவி இருப்பதால் அவைகள் அடர்த்தி குறைவானவை.

☯உருவம் கனவளவு : வாயுக்கள் பொதுவாக குறிப்பிட்ட உருவமோ குறிப்பிட்ட கணளவோ கொண்டவை அல்ல.

☯விரிவாக்கம் : வாயுக்களை அழுத்தி சுருக்கவும் விரிவாக்கவும் முடியும்

☯கலக்கும் தன்மை : பொதுவாக ஒரு வாயுவை இன்னொரு வாயுவுடன் எளிதில் கலந்து விட முடியும்.

☯அழுத்தம் : வாயு மூலக்கூறுகள் எப்போதும் தொடர்ச்சியான இயக்கத்தில் இருப்பவை அவைகளை அடைத்து வைத்து இருக்கும் பத்திரத்தில் வெவ்வேறு இடங்களில் வெவ்வேறு விதமாக அழுத்தம் கொண்டு இருக்கும்

☯☯☯☯☯☯☯☯☯☯☯☯☯☯☯☯☯☯☯☯☯☯☯

56.

☸பாக்கெட்டில் ஒரு பிளாக் ஹோல்☸

ஒரு பேச்சுக்கு உங்கள் பாக்கெட்டில் உள்ள ஒரு ஒரு ரூபாய் நாணயத்தை எடுத்து விட்டு அதே அளவுள்ள ஒரு பிளாக் ஹோல் ஐ போட்டால் என்ன ஆகும் தெரியுமா ?

🕸 ஒரு நாணயம் அளவு எடை உள்ள பிளாக் ஹோல் ஆற்றல் வெடித்தால் 3 அணுகுண்டுகளை ஒன்றாக சேர்த்து வெடித்த அளவு வெடிக்கும்

🕸 ஒரு நாணயம் அளவு அகலம் உள்ள ஒரு பிளாக் ஹோல் எடை பூமியின் எடையை விட அதிகமாக இருக்கும்

🕸 ஒரு நாணயம் அளவு ஆரம் உள்ள பிளாக் ஹோல் பூமியை மொத்தமாக அழித்து விட்டு தனக்கென ஒரு நீள் வட்ட சுற்று பாதை உண்டு பண்ணி அதில் நிலாவை தன்னை சுற்றி சுழன்று வரும் படி பொருத்தி விடும்.

எனவே வழியில் யாராவது பிளாக் ஹோல் கொடுத்தால் வாங்காதீர்கள்.

☯☯☯☯☯☯☯☯☯☯☯☯☯☯☯☯☯☯☯☯☯☯☯

57.

☸கைரேகை பவுடர் ☸

குற்றம் நடந்த இடத்தில் தடயவியல் நிபுணர்கள் வெள்ளை நிற பவுடர் தூவி கைரேகை சேகரிப்பதை பார்த்து இருக்கலாம். அந்த பவுடர் என்ன பொருளால் ஆனது என்பதை பார்க்கலாம்..

titanium dioxide, kaolin மற்றும் French chalk அல்லது...
titanium dioxide, மற்றும் சுத்திகரிக்க பட்ட talc மற்றும்  kadin lenis. Lanconide,

இது தவிர வேற கலவைகள் கொண்ட பவுடர் வகைகள் உண்டு ..அவைகள்..zinc sulfide, zinc oxide, barium sulfate, titanium dioxide, bismuth oxychloride மற்றும்  calcium carbonate.

இன்னொரு வகை ....titanium dioxide, உடன் tempura அல்லது chalk. கலந்த கலவை .

பழங்காலத்தில் பயன்பட்ட  Mercury chalk உடல் நலனுக்கு கேடு விளைவிபதால் ... அதை தற்போது பயன்பாட்டில் இருந்து நீக்கி விட்டார்கள்.

இதை தவிர வெள்ளை பகுதிகளில் கைரேகை எடுக்க கருப்பு பவுடர் பயன்படுத்துவதும் உண்டு
அவற்றில் graphite, charcoal, lampblack, photocopier மற்றும் nthrocene. கலந்து இருக்கும்.



☸☯☸☯☸☯☸☯☸☯☸☯☸☯☸☯☸☯


நண்பர்களுக்கு......


அனைவருக்கும் அறிவியல் வணக்கம்!

கடுகு சிறுத்தாலும் காரம் குறையாது என்பதற்கேற்ப இந்த தொகுப்பு பல சின்ன துணுகுகளை கொண்டிருந்தாலும் ஒவொன்றும் நமது அறிவியல் புரிதலை மேம்படுத்தும் நல்ல தகவல்கள்.. நிச்சயம் உங்களுக்கு பயனுள்ளதாக இருந்து இருக்கும் என்று நம்புகிறேன்..

(இன்று ஒரு அறிவியல் தொகுப்பு 2 வெளியிடும் எண்ணமும் உள்ளது )

கட்டுரை குறித்து உங்கள் கருத்துக்கும் மற்றும் எனது மற்ற புத்தகங்கள் (எல்லாம் இலவசம் தான் ) பெறுவதற்கும் எனது வாட்ஸ் அப் நம்பரில் தொடர்பு கொள்ளுங்கள்.

9841069466.

எனது கட்டுரைகளை fb யில் காண
"தேடல் திடல் " என்ற பேஜ் ஐ லைக் செய்திடுங்கள்..

எனது நோக்கம் அனைவருக்கும் எளிய தமிழில் கடின அறிவியல் .
எனது நோக்கத்திற்கு உதவிட நீங்கள் செய்யவேண்டியது கட்டுரைகளை அனைவருக்கும் பகிர்வது தான்.

ரசித்து படித்ததற்கு நன்றி...

உங்கள் அன்பு நண்பன்
அறிவியல் காதலன்

ரா.பிரபு.