" செல்லுக்குள்_செல்வோமா " அறிவியல் காதலன்  ✍️ ரா.பிரபு 🎯 ( உடல் செல்களின் உள்ளே ஒரு பார்வை) ஆச்சர்யத்தை அள்ளி தரும் உலகின் பல விஷயங்களில் இந்த உடலும் ஒன்று. உற்று பார்த்தால் உடலில் இருக்கும் பல கட்டமைப்புகள் பிரமிப்பை உண்டு பண்ணும். உதாரணமாக ஒரு மனிதனின் உடலில் உள்ள மொத்த DNA வை எடுத்து அந்த நூலை நேராக நீட்டி வரிசையாக வைத்தால் அது பூமியில் இருந்து சூரியன்  சென்று மீண்டும் பூமி வந்தால் எவ்வளவு தூரம் இருக்குமோ..அந்..த ... தூரம்... (இருங்க அவசர படாதீங்க.. )அந்த தூரம்.. அதை விட கிட்ட தட்ட ஒரு 300 மடங்கு அதிகம் தூரம் இருக்குமாம்...( அல்லது கிட்ட தட்ட மொத்த சூரிய குடும்ப தொலைவை போல இரு மடங்கு என்று சொல்லலாம்..'எம்மாடி..' ) DNA வில் நாம் மெமரியை பதிய முடியும் எனில் ஒரே ஒரு கிராம் DNA வில் நாம் உலகின் மொத்த டேட்டா வை சேகரித்து வைக்க முடியும். இப்படி நிறைய ஆச்சர்யங்களை சொல்லி கொண்டே போகலாம். "செல் " படம் வரைந்து பாகம் குறித்த பள்ளி நினைவு நம் அனைவருக்கும் இருக்கும். இன்று மீண்டும் ஒரு முறை செல் என்பதை பற்றி அதில் உள்ள உறுப்புகள் பற்றி...அது செயல் படும

"Matrix கனவு உலகம்" "ரா.பிரபு" உண்மையா பொய்யா ? இருக்கா இல்லையா? எந்த உலகத்தில் இப்போ நீங்க இருக்கீங்க எது ரியாலிட்டி எது மாயை என்று தெரியாமல் நம்மை குழப்பி எடுக்கும் பல படங்கள் வந்துள்ளன. உதாரணமாக island, identity, triangle, total recall, tejavu இப்படி பல. ஆனால் இது எல்லாவற்றை விட 1999 இல் முதல் முதலில் இந்த கான்செப்ட் தாங்கி வந்த "matrix " தனி சிறப்பு வாய்ந்த ஒரு படம். இப்போது அதை பார்த்தாலும் நேத்து ரிலீஸ் ஆனது போல அப்படி ஒரு fresh ஆக இருக்கும் அதன் காட்சி அமைப்புகள். அது வெளி வந்த போது அந்த கதை மிக மிக புதுமை. Metrix என்பது உங்களை நிஜம் போல கவ்வி கொள்ளும் ஒரு ரியாலிட்டி .சொல்ல போனால் metrix இல் இருக்கும் வரை அது தான் உங்களுக்கு நிஜம். நிஜம் தான் உங்களுக்கு போலி. (Matrix என்பது ஒரு சிமுலேடட் ப்ரோக்ராம் ரியாலிட்டி.. அதாவது யாரோ டிசைன் செய்த உலகில் நீங்கள் உண்மை என்று நம்பி வாழ்வது..எனது ரயில் முகில் திகில் கதையில் வரும் call-con உலகம் போல) இப்போ சொல்ல போகும் விஷயம் உங்களை குழப்பலாம் . நீங்கள் இப்போ ரியாலிட்டி என்று நம்பும் இந்த உலகம் நிஜமா

"கருப்பு டா (" வாண்டா பிளாக் ) #ரா_பிரபு உங்களுக்கு vanta black என்றால் என்ன தெரியுமா ?? பொதுவாக நமக்கு நிறங்களை பற்றி ஒரு குறிப்பிட்ட விஷயம் தெரியும். (அல்லது சிலருக்கு இன்னும் தெரியாமல் இருக்கலாம்) அதாவது உண்மையில் நாம் என்ன பொருளை என்ன நிறத்தில் பார்க்கிறோமோ உண்மையில் அந்தப் பொருள் அந்த  நிறம் கொண்டது அல்ல. உதாரணமாக ஒரு நீலநிறத்தை நாம் பார்க்கிறோம் என்றால் அந்த பொருள் நீல நிறத்தை தவிர மற்ற அனைத்து நிறத்தையும் உள்ளிழுத்துக்கொண்டு  நீலத்தை மட்டும் நமது கண்களுக்கு பிரதிபலிக்கிறது என்று அர்த்தம். ஒரு பொருள் எந்த நிறத்தையும் உள்ளே இழுத்துக் கொள்ளவில்லை என்றால் அந்த பொருளை நாம் வெள்ளை நிறத்தில் காண்போம். ஒரு பொருள் அனைத்து நிறத்தையும் உள்ளே இழுத்துக் கொள்கிறது என்றால் அதைதான் நாம் கருப்பு நிறமாக காண்போம். நாம் காணும் அனைத்து கருப்பு நிற பொருட்களும் ஒளியை உள்ளே இழுத்து கொள்பவை தான் ஆனால்... அது 100 சதம் அல்ல.. எப்பேர் பட்ட அடர்த்தியான கருப்பு நிறமும் கொஞ்சம் ஒளியை நமக்கு மிச்சம் அனுப்புகிறது ஒரு பொருள் கிட்ட தட்ட 100 சதம் ஒளியை உட்கிறகித்தால் அது எப்படி இருக்கும்.

"தொலை தூர கோள்கள் கண்டு பிடிப்பது எப்படி ? #அறிவியல்_காதலன் #ரா_பிரபு விண்வெளியில் நீண்ட தொலைவில் இருக்கும் நட்சத்திரங்களை சுற்றி வரும் கோள்களின் இருப்பை எப்படி கண்டு பிடிக்கிறார்கள் தெரியுமா..? பல ஒளியாண்டுகள் தள்ளி இருக்கும் நட்சத்திரங்களில் இருந்து நமக்கு வரும் ஒளியை ஆராய்ந்து அந்த நட்சத்திரம் இருக்கும் தொலைவை எப்படி சொல்கிறார்கள் என்பதை கடந்த பதிவில் பார்த்தோம். ஆனால் அந்த நட்சத்திரத்தை ஒரு கோள் சுற்றி வருகிறது என்பதை எப்படி கண்டு பிடிக்கிறார்கள் ? ஒரு கிரகம் நட்சத்திரத்தை சுற்றி வரும்போது அந்த நட்சத்திரத்தின் ஈர்ப்பினால் கிரகம் பாதிக்கப்படுவது மட்டுமின்றி கிரகத்தின் ஈர்ப்பினால் நட்சத்திரமும் சிறிதளவு பாதிக்கப்பட தான் செய்கிறது. இரு நபர்கள் ஒன்றோடொன்று கையை கோர்த்துக் கொண்டு தட்டாமாலை சுற்றுவது போல கற்பனை செய்து கொள்ளுங்கள் அதில் ஒருவர் திடகாத்திரமாக மாமிச மலை போல இன்னொருவர் மிகச்சிறிய ஒரு சிறுவன் போலவும் கற்பனை செய்து கொள்ளலாம். இப்படி சுற்றும் போது இதில் பெரியவர் சிறியவர் ஐ அதிகமாகவும் சிறியவர் பெரியவரை குறைந்த அளவும் பாதிப்புக்கு ஆளாக்குகிறார்கள். உதாரணமாக

"Wireless charger எப்படி வேலை செய்கிறது ?" ரா_பிரபு Samsung galaxy s10, Sony xperia xz3, nokia 9 ,google pixel 3 போன்ற பல மொபைல்கள் wireless charger இல் சார்ஜ் ஆவதை பார்த்து இருப்பீர்கள். இந்த வயர் அற்ற சார்ஜர்கள் எப்படி வேலை செய்கின்றன? அதற்கு பின்னால் இருக்கும் அறிவியல் என்ன ? மின்னியலில் induction என்ற ஒரு விஷயம் உண்டு. யாராவது கொட்டாவி விட்டால் பக்கத்தில் இருக்கும் நமக்கும் கொட்டாவி வருவது போல ஒரு நிகழ்வு இது. அதாவது ஒரு coil ஐ எடுத்து கொண்டு அதில் மாறுதிசை மின்னோட்டம் (ac curent) கொடுத்தால் அந்த காயிலில் ஒரு electro magnetic flux உண்டாகி காற்றில் கொஞ்சம் தூரம் கண்ணுக்கு தெரியாமல் அலைந்து கொண்டு இருக்கும். அந்த காந்த அலைகள் அலையும் எல்லையில் இன்னொரு காயிலை கொண்டு வந்து வைத்தால் அதில் அந்த காந்த புலன்கள் விட்டு விட்டு வெட்டுவதால் காயிலில் மின்சாரம் உண்டாகும். (பொதுவாகவே காந்த புலத்தில் வேகமாக கடத்தி கடந்தாலோ அல்லது கடத்தி உள்ள இடத்தில் காந்த புலம் வேகமாக கடந்தாலோ மின்சாரம் உண்டாகும்) இந்த நிகழ்வுக்கு பெயர் தான் இண்டக்ஷன். நாம் பார்க்கும் டிரான்ஸ்பார்மர்கள் (

"டைம் லூப் நம்பர்_67" (அறிவியல் சிறுகதை ) #ரா_பிரபு தலைக்குள் மெல்லிய மிக்சி சப்தம் போல் கேட்டு நினைவுக்கு வந்தேன். தூக்கத்தில் இருந்து திடீரென விழித்த குழந்தை போல திரு திரு . அறை யின் அரை இருட்டு கண்ணுக்கு பழகி இருந்ததது.. கையில் வைத்திருந்த அந்த பொருள் தனது உடல் எங்கும் சிறு வெளிச்சங்களை இறைத்து தனது எலக்ட்ரானிக்ஸ் கண்ணை கொண்டு என்னை பார்த்து கண் அடித்து  கொண்டிருந்ததது கொஞ்சம் சூடாக இருந்தது. சடாரென அறை கதவுகள் திறந்து கொண்டு அம்மாவின் சப்தம் அபாயமான டெசிபலில் ஒலித்தது... அல்லது முதலில் ஒலித்த பின் அறை கதவு திறந்ததா ?? குழப்பமாக இருந்தது . எதுவாய் இருந்தாலும் இதை உடனே மறைக்க வேண்டும் கடந்த முறை செய்ததை உடைத்து தள்ளியதை  போல இதை உடைத்து தள்ள அனுமதிக்க முடியாது  ஐயையோ எனது உழைப்பு மீண்டும் வீணாகி போகும்... எங்கே ஒளித்து வைக்கலாம் ?? கட்டில் அடியிலா எனது ஸ்கூல் பேகிலா...  எனது மூளை எலெக்ட்ரான் வேகத்தில் யோசித்தது ஆனால் அம்மா அதற்குள் ஒளியின் போட்டான் வேகத்தில் உள்ளே நுழைந்து இருந்தாள். கண்ணில் 415 வோல்ட்க்கு  குறையாமல் மின்சாரம்.. இன்னும் கொஞ்ச நேரத்தில் எ

Synesthesia பற்றி தெரியுமா ? #அறிவியல்_காதலன் #ரா_பிரபு சில எளிமையான கேள்விக்கு பதில் கூறுங்கள் நண்பர்களே... 1)புதன் கிழமையின் நிறம் என்ன. (அல்லது )நம்பர் 6 என்ன நிறம் ? 2 ) காரின் ஒலி என்ன சுவையில் இருக்கும் ? 3 ) பியானோ ஓசை என்ன நிறத்தில் இருக்கும் ? 4 ) மஞ்சள் நிற ஒளி விளக்கின் ஒளி உங்கள் உடலை தொடுவது எப்படி உணர்வீர்கள் ? சிகப்பு ஒளி தொடும் போது என்ன வித்தியாசம் ? 5 ) இந்த கட்டுரையில் வரும் அ என்கிற எழுத்து மட்டும் என்ன நிறத்தில் காண்கிறீர்கள்..? 6 ) பருத்தி துணி தொட்டால் என்ன இசை கேட்கும் ? மேலே கேட்க பட்ட கேள்வி நமக்கு அர்த்தமற்ற அபத்தமாக தோன்றலாம். ஆனால் நீங்கள் ஒரு'' Synesthesis "  ஆக இருந்தால் உங்களுக்கு இது அர்த்தமற்ற கேள்வி அல்ல. மொத்த உலக தொகையில் வெறும் 4 சதம் ஆட்களே..Synesthesis ஆட்கள் உள்ளனர். இது 2000 பேரில் ஒருவருக்கு இருக்கும் திறன். நாம் நமது புலன்கள் வாயிலாக இந்த உலகை உணர்கிறோம். அந்த புலன்களின் ஒரு விசித்திர விளையாட்டு இந்த Synesthesia. அதாவது இரு புலன்கள் தங்களுக்குள் பாலம் அமைத்து கொள்வது. அதாவது ஒரு புலனின் உள்ளீடு அடுத்த புலனின

வைரதை சுத்தியால் உடைக்க முடியுமா ? ரா.பிரபு ஒரு சுத்தியை வைத்து வைரத்தை உடைக்க முடியுமா ? இந்த கேள்வியை  கேட்டால் உங்களில் பலபேர் " அதற்கு வாய்ப்பில்லை காரணம் உலகிலேயே மிக உறுதியான ஒரு பொருள் வைரம் " என்று பதில் சொல்லலாம் ஆனால் உண்மை அது அல்ல சுத்தியை வைத்து வைரத்தை உடைத்து பார்த்தீர்களேயானால் வைரம் உடைந்து போகும். அப்போ உலகிலேயே மிகவும் உறுதியான பொருள் வைரம் என்று சொல்லப்படுவது உண்மை இல்லையா ? உண்மை எனில் வைரம் உடைந்தது ஏன் ? காரணம் உலகிலேயே மிகவும் கடினமான பொருள் வைரம். ஆனால உலகிலேயே மிகவும் உறுதியான பொருள் வைரம் அல்ல இரண்டிற்கும் வித்யாசம் உள்ளது. (Diamonds are the "hardest " mineral but not "toughest" ) என்ன வித்தியாசம் இவையிரண்டுக்கும் ? Friedrich Mohs ஒரு  mineralogist. இவர் பொருட்களுக்கு இடையிலான கடினத்தன்மையை அளக்க ஒரு அளவீடு கண்டு பிடித்தார் அந்த அளவீடின் பெயர் "mohs ". பொருட்கள் ஒன்றில் ஒன்று கீறலை ஏற்படுத்தும் தன்மையை வைத்து இந்த கடின தன்மை கான அளவீட்டை இவர் கண்டுபிடித்தார். உதாரணமாக" talc " யை எடுத்து கொண்

"குரங்கு வித்தை " (சிறு கதை) ரா.பிரபு அந்த குரங்கு மீண்டும் ஒரு முறை துள்ளி பல்டி அடித்தது. கூட்டம் மீண்டும் ஆர்ப்பரித்தது. "ராமு அட்றா.. ராமு... " அந்த குரங்காட்டி தொடர்ந்து சொல்லி கொண்டே இருந்தான்.  கரகோஷதால் எந்த வகையிலும் பாதிக்க படாமல் கர்ம யோகி போல அந்த குரங்கு மீண்டும் பல்டியை தொடர்ந்தது. ஆகாஷ் தனது ஸ்கூல் பேக்கை ஓரமாக வைத்து விட்டு கையை தட்டினான். "ஆகாஷ் ! டைம் ஆகுது வா வீட்டுக்கு லேட்டா போனா உங்க அம்மா இதே மாதிரி குரங்காட்டம் ஆடுவா " ஹரி கண்டிப்பான குரலில் சொன்னதும் "அப்பா ப்ளீஸ் பா  இன்னும் 5 மினிட்ஸ் ஒன்லி " என்று அவன் சொல்லி அரை மணிநேரம் கழித்து கிளம்பினான். வீட்டுக்கு போகும் வழியில் அவன் குரங்கை போல தாவி தாவி செல்ல முயல்வதை கவனித்தான் ஹரி.           ✴          ✴            ✴            ✴ "என்னங்க இவனை கொஞ்சம் வந்து பாருங்களேன் " பிரிய மனைவி பிரியா வின் குரல் கேட்டு ஹாலுக்கு வந்த ஹரி கஷ்ட பட்டு சிரிப்பை அடக்கினான் "என்னடி இவன் குரங்கு மாதிரி பல்டி அடிச்சிட்டு இருக்கான் " " காலைல இர

"# தேடல்_கேள்விகள்  (கேள்வி 8 ) #ரா_பிரபு 〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️     🎯  கேள்வி : Space இல் இந்த நட்சத்திரம் இத்தனை ஒளி ஆண்டுகள் தூரம் இருக்கிறது என்கிறார்களே. Space இல் தூரத்தை எப்படி கணக்கிடுகிறார்கள். - sheihana paua . Kadayanallur - 〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️    ✍️ பதில் : விண்வெளியின் முடிவற்ற கால வெளியில் கொட்டி கிடக்கும் நட்சத்திரங்களின் தூரங்கள் நமது கற்பனையின் எல்லை தாண்டிய அளவு இடைவெளி கொண்டவை என்றாலும் மனிதன் அவைகள் எவ்வளவு தூரத்தில் இருக்கிறது என்பதை பூமியில் உட்கார்ந்த இடத்தில் சொல்ல முடிவதற்கு காரணமாய் இருப்பது 'ஒளி '. பிரபஞ்ச முழுவதிலிருந்தும் நமது பூமிக்கு வந்து சேரும் ஒளியை ஆராய்வதன் மூலம் அந்த ஒளியின் மூலங்களாகிய  நட்சத்திரங்கள் எவ்வளவு தொலைவில் இருக்கின்றன என்பதை சொல்லிவிட முடியும். எப்படி ?? பொதுவாக விண்வெளியில் தூரத்தை கணக்கிடுவதற்கு ஒன்றுக்கு மேற்பட்ட வழி முறைகள் கடைப்பிடிக்கப்படுகின்றன அவற்றை ஒவ்வொன்றாக பார்ப்போம். முதலில் அருகில் இருக்கும் கோள்கள் மற்றும் நிலா மாதிரி  துணை  கோள்களின் தூரத்தை அளக்க உதவும் முறையை ப

"கடைசி காஃபி " (க்ரைம் சிறுகதை ) ரா.பிரபு அந்த ஊரின் கடைசி பஸ் அந்த நிறுத்தத்தில் நிறுத்த பட்டதும் சேகர் தயார் ஆனான்.கண்டெக்டருக்கு ஒருவேளை நினைவுத்திறன் அதிகமாக மிக அதிகமாக இருந்திருந்தால் ," என்னையா கடைசி சிங்கிள் ல இந்த பஸ்ல தான் போன ..கீழே கூட  இறங்காமல் திரும்பவும் இதே பஸ்ல வர " என்று ஆச்சர்யமாக கேட்டிருப்பார். சேகரை இறக்கி விட்டு ரை ரைட் என்று இருட்டில் சென்று பேருந்து மறைந்த பின் சேகர் ஊரை நோக்கி தன் வீட்டை நோக்கி நடக்க தொடங்கினான். வயிறு வேறு நேரம் காலம் தெரியாமல் கப கப என்று பசித்தது. அந்த நேரத்தில் அங்கு தெரிந்த டீ கடை ஒன்றின் ஒன் மேன் ..முதலாளி கம் தொழிலாளி ஒருவன் மூடும் அவசரத்தில் டபராய்களை இன்னைசையுடன் உருட்டி கொண்டு இருந்தான். "டீ இருக்கா பா " என்று கேட்டதற்கு "டீ இல்லப்பா மூடியாச்சி " என்று பதிலுக்கு இவனை போலவே சொன்னான். இவன் குரலை மிமிகரி பண்ணியது போல இருந்தது சேகருக்கு. கடுப்பாய் வந்தது. பேசாம ராணிக்கு பதிலா இன்னைக்கு இந்த டீ கடை காரனை கொன்னுட்டா என்ன..? இன்னும் சற்று நேரத்தில் தான் ஒரு கொலை செய்யப் போவதை பற்றி இந

# சிகப்பு_சிலந்தி 🕷️🕷️🕷️ (சஸ்பென்ஸ் சிறுகதை ) #ரா_பிரபு டாக்டர் முருகேசன் ஆகிய நான்..... கொட்டாவி விட்டு நேரம் பார்த்த போது ஒரே ஒரு பேஷண்ட் மிச்சம் இருந்தான். கசங்கிய சட்டை 3 நாள் தாடி நிச்சயம் பொண்டாட்டி பிரச்னை என புலம்ப வந்து இருப்பான். இங்க வரும் கேஸில் பலதும் அந்த கேஸ் தானே. ச்சை ஒரு மன நல மருத்துவரா இருப்பது எவ்வளவு தலை வலி தெரியுமா.  "வர சொல்லுமா " என்று பொத்தானை அழுத்தி ஆறாவது நொடியில் அவன் உள்ளே நுழைந்தான். "உட்காருங்க " உட்கார்ந்தான். "சொல்லுங்க மனைவியால் என்ன பிரச்சனை" என்றேன் . சொல்லிவிட்டு ஷேர்லக் ஹோம்ஸை போல அவனை பார்த்தேன். 'எப்படி கண்டுபிடித்தேன் பார்த்தியா' என்கிற பார்வை அது. அவன் லேசாக திடுக்கிட்டு பொண்டாட்டியா எனக்கு இன்னும் கல்யாணமே ஆகலயே..!  என்று சொல்லி என் மூக்கை அறுத்தான் கொஞ்சம் சமாளித்து  "சரி சொல்லுங்க என்ன பிரச்னை" என்றேன். அவனை உற்று பார்த்து கவனமாய் அவன் சொல்வதை கேட்பது போல அமர்ந்தேன். இது ஒரு டெக்னீக் அதாவது நோயாளி பேசுவது கவனிக்க படுகிறது என்று அவர்களுக்கு உணர்த்துவது . மனநோயாளிக